Read tetala Esambu 101 Bible Online

Esambu 101 - tetala bible

Esambu 101

¹Dimi layimbaka dia kolamelu ndu dia sambu kʼololo Le ye, we Latuyalaka, kayumimbaka esambu wa diandu.

²Dimi layokendakendaka la yewu lu mbuka kʼusimbwi. Kaandi ayuyuya le mi? Dimi layuyalaka la utema wʼololo, Lʼatei a luudu lami.

³Dimi halukitsha dikambu dia kolo la ntundu kami. Dimi latuhetshaka lokewo lʼantu watunganelaka; Lo halusungana le mi.

⁴Utema wa kolo amanganeli etali. Dimi handjulanga mbeya nduku dikambu dia kolo.

⁵Dimi layulanya one latotendaka usukanyi andi. Dimi haluyala la memakana le kanga lahi, leli la utaku.

⁶Ashu ami weko le akanga wa kolamelu wa lu wudja, Dia vo mbidjaseka la mi. One latokendakendaka lu mbuka kʼololo kayuyala ukambi ami.

⁷One latuyakimoka lu akambu wa lukesu, hudjase lu luudu lami; One latutaka kashi, hutshikala la ntundu kami.

⁸Pindju tshe, mbayumulanyaka antu wa kolo wa lu wudja, Dia nshila antu wa kolo ushiki uma lʼusumba wa Latuyalaka.