Read tetala Esambu 107 Bible Online

Esambu 107 - tetala bible

Esambu 107

¹Nyukaki Latuyalaka lusaka, ne dia ndi eli ololo, Ngandji kandi ka shikaa katuyalaka pundju![170]

²Wane wakatshungwama le Latuyalaka, wataki dikambu diako; Waku wakandatshungula uma lʼanya wʼatunyi,

³Wakandakaluya uma lu kete kina, Uma lʼehutwelu la edjelu ka unya, Ndu uma la diku la ngelʼa kushi!

⁴Vo wakatekekoka lʼusui wa shenga ya wulu, Kuntana ngelu ka vo mbidjase.

⁵Vo wakadienyi la ndjala la pusa kʼashi; Ku etema awo wakalembe.

⁶Vo wakalelela Latuyalaka lu pa kawo, Ku ndi akatshungula uma lu toshoko tawo.

⁷Ndi akalombolaka lu mbuka kʼusimbwi, Dia vo ntukuma lʼusumba wa vo mbidjase.

⁸Dimi lambukumbula dia antu ntumbula Latuyalaka, Ne dia ngandji kandi ka shikaa, Ndu ne dia elimu andi wa mamba le antu!

⁹Ndi atunduyaka utema weli la pusa, Atuludiaka utema weli la ndjala la mbu ya nde yʼololo.

¹⁰Antu wakadjaseka lu udjima la lu didjidji dia nyoi, Wukelekami lu asui ndu lu molola,

¹¹Ne dia vo wakatuni aui wa Unyashungu, Ndu wakonyola tukanyi ta KhumʼUlungu.

¹²Diako mbakandahekuya etema awo lʼelimu a wulu. Vo wakako, ku nduku untu akeyi mbakimanyia.

¹³Vo wakalelela Latuyalaka lu pa kawo, Ku ndi akatshungula uma lu toshoko tawo.

¹⁴Ndi akatundja uma lu udjima, ndu uma lu didjidji dia nyoi, Akahimbula ekodi.

¹⁵Dimi lambukumbula dia antu ntumbula Latuyaiaka, Ne dia ngandji kandi ka shikaa, Ndu ne dia elimu andi wa mamba.

¹⁶Ndi atuhandjulaka kuki yʼehotela, Atokolaka esimbi wa mbulu.

¹⁷Akanga a dinginya wakasuyamaka, Ne dia ehedia awo, ndu kolo yawo.

¹⁸Vo wakengaka wehu tshe wa ma diengekhu, Wakasukanaka lʼasuku wa nyoi.

¹⁹Vo wakalelela Latuyalaka lu pa kawo, Ku ndi akatshungula uma lu toshoko tawo.

²⁰Ndi akatumi diui diandi, akakonoya, Akahandja uma lu waumbu.

²¹Dimi lambukumbula dia antu ntumbula Latuyalaka, Ne dia ngandji kandi ka mamba, Ndu ne dia elimu andi wa mamba le antu.

²²Dimi lambukumbula dia vo nambula elambu wa eukelu ka lusaka, La dia vo nyanganyaka lukumu lʼelimu andi lu esambu wʼongenongeno.

²³Antu watuhuloka lu mashua lu ndjali ya waki, Watutshaka elimu ladiku dia ashi a waki.

²⁴Vo watenaka elimu wa Latuyalaka, La akambu andi wa mamba lʼatei a dingunda.

²⁵Ndi atutaka diui, atopepiaka lopepe la ngimbi, Latunyiaka asukhu.

²⁶Ku vo watumbelaka utsha lʼulungu, watuhuloka utsha lʼohongo. Etema awo watuyalaka ladiku, ne dia pa kawo.

²⁷Vo watundamaka la yimba tshimba, watusukosukoka uku umbidjoki. Ku yimba yawo yatushishoka tshe.

²⁸Vo wakalelela Latuyalaka lu pa kawo, Ku ndi akatshungula uma lu toshoko tawo.

²⁹Ndi akalembohaya ngimbi, Ku asukhu wakalembohala yoo.

³⁰Vo wakangenangena ne dia asukhu ako wakanyukama. Ku Latuyalaka akalombola utsha lu dibungu diakawakumbulaka.

³¹Dimi lambukumbula dia antu ntumbula Latuyalaka, Ne dia ngandji kandi ka shikaa, Ndu ne dia elimu andi wa mamba le antu.

³²Wutumbulaki lʼului wʼantu andi, Wawandulaki lu lusanganya la dihangamendi!

³³Ndi atukadimulaka ekedi usui wa shenga, La teko diʼashi, kete yʼufumbu;

³⁴Ndu kete yʼeteto, shenga ya leho, Ne dia kolo ya waku watudjaseka loko.

³⁵Ndi atukadimulaka usui wa shenga landa, Ndu kete yʼufumbu teko diʼashi.

³⁶Leko katunduladiaka avushi ndjala, Dia vo mpika usumba wa vo mbidjase;

³⁷Dia vo nkamba dikambo la mune kuno yʼekodi wʼelua, Dia vo najalaka la dinela uma loko.

³⁸Ndi atatshokolaka, ku vo watufulanelaka utamanya. Ndi hatetawoka ngombe yawo nkitakita.

³⁹Tena dimotshi vo watukitakitaka, Watukiyanaka uma lu wengiya, pa, la nyangu.

⁴⁰Ndi atonyolaka antu a waki, Atuwaekekuyaka lʼusui wa shenga, lene aha mbuka.

⁴¹Ndi atediaka uhumbi, atuwunyaka uma lʼasui, Atufudiaka khumbu kandi uku limba la dungalunga.

⁴²Antu wʼololo wayenaka dikambu ne, wayongenangenaka, Keli kolo tshe kayudiha unyo.

⁴³Ku akanga a yimba wayulamaka akambu ane, Ndu wayukanaka yimba la ngandji ka shikaa ka Latuyalaka.