Read tetala Esambu 116 Bible Online

Esambu 116 - tetala bible

Esambu 116

¹Dimi latukaka Latuyalaka ngandji, ne dia ndi atukaka Diui diami, ndu osengosengo ami.

²Ndi atumpukelaka tui Ku dimi layolombaka nshi tshe ya lumu lami.

³Ekodi wa nyoi wakanyingi, Ndu toshoko ta diumbi akamundi; Dimi lakenyi pa ndu shoko.

⁴Ku dimi laketi lukumbu la Latuyalaka nti: Latuyalaka li, lambukosengasenga nti; Ushimbeli lumu lami!

⁵Latuyalaka eli la ngandji ka mamba ndu ololo, Ee, Unyashungu asu kuludi too la ketshi.

⁶Latuyalaka atulamaka antu kʼantu. Dimi laki omenyi fono, ku ndi akanshimbela.

⁷We utema ami, ukaluli lu mumuya kaye, Ne dia Latuyalaka akakutshela ololo.

⁸We Latuyalaka, akashimbela lumu lami uma lu nyoi, Ashu ami uma lʼasoi, Ndu ekulu ami uma lʼekwelo.

⁹Dimi layokendakendaka ta ntundu ka Latuyalaka Lu kete ya wasena.

¹⁰Dimi laki lʼelungamelu, lamʼakamati nti:[183] Omenyi fono mbemi!

¹¹Dimi lakahosola diui shashimuya nti: Antu tshe kashi ketu katawo.

¹²Kayumusha Latuyalaka Ne dia etshoko andi le mi?

¹³Dimi layosa dikoho dia panda, Ku layeta lukumbu la Latuyalaka,

¹⁴Dimi layushidiya alaka ami le Latuyalaka, La ntundu ka wudja andi tshe.

¹⁵Lu ashu wa Latuyalaka, Nyoi kʼekilami andi keko ushinga a wulu.

¹⁶We Latuyalaka, mete, dimi leko ukambi aye; Ukambi aye mbemi, onʼa ukambi aye a umuntu. We kakankelekula ekodi.

¹⁷Dimi layukulambula elambu wa eukelu ka lusaka, Layotemolaka lukumbu la Latuyalaka.

¹⁸Dimi layushidiya alaka ami le Latuyalaka, La ntundu ka wudja andi tshe,

¹⁹Lu aseke wa luudu la Latuyalaka, Lʼatei aye, we Jerusalema. Nyandulaki Latuyalaka!