Read tetala Esambu 132 Bible Online

Esambu 132 - tetala bible

Esambu 132

¹Latuyalaka, uhoki Davidi Lu asui andi tshe!

²Uho uku akandatshibela Latuyalaka, Ndu uku akandatshiki etunyi le Kanga Wulu a Jakoba:

³Mete, dimi haloto lu luudu lami la dipema, Kana manda lu tangi kami;

⁴Dimi haludiha ashu dia ndala djo, Kuyanga mpohiya toko yami,

⁵Tshikima lambutanela Latuyalaka dihuli, Edjaselu ka Kanga Wulu a Jakoba.

⁶Enda, takuki dikambu ne la Efarata, Shu takaditani lʼesui wa Jara.

⁷Tutshu utsha lʼedjaselu kandi, Tototemole la ntundu ka kihuna kʼekulu andi.

⁸Uneli, we Latuyalaka, utshu utsha lu dihuli diaye dia mumuya, Ndu we ndu oshete wa sheki wa wulu aye!

⁹Elombedi aye walotshami lʼakambu wʼololo, Ekilami aye wahangohango lʼongenongeno,

¹⁰Ne dia ukambi aye Davidi, Tunyaki elundji kaye uma le one lakayakiti iso.[193]

¹¹Latuyalaka akatshibela Davidi la mete, Ndi hukadimula etshibelu kandi ati: Dimi layudjasha one lakatumbi uma lʼutema aye lu kiti kaye ka diulelu,[194]

¹²Naka anʼaye wayulamaka daka diami La adjangu wayumuwaetsha: Ndu anʼawo wayudjase lu kiti kaye ka diulelu pundju.

¹³Latuyalaka akasonola Siona. Ndi akayilangi dia yo ndjala edjaselu kandi.

¹⁴Dihuli diami dia mumuya pundju mbeyo: Laawo kayumudjase, ne dia dimi ndjilangaka.

¹⁵Mete, dimi layufudia mbu ya nde yayo, Layulutsha asi wula ayo ma;

¹⁶Layolotsha elombedi ayn panda, Ekilami ayo wayuhangohango lʼongenongeno.

¹⁷Leko kayumufudia wulu wa Davidi, Layolongoswela lakamakiti iso lʼote tala,[195]

¹⁸Layukumba atunyi andi la sonyi. Keli dembo diandi dia kusu diayungadimoka lʼote andi.