Read tetala Esambu 138 Bible Online

Esambu 138 - tetala bible

Esambu 138

¹Dimi layukukaka lusaka lʼutema ami tshe. La ntundu ka ditemolatemola kayumukimbelaka esambu wa diandu,

²Dimi layotemola leledi utsha lʼetemwelo kaye kʼekila. Dimi layukaka lukumbu laye lusaka ne dia ngandji kaye ka shikaa ndu mete kaye. We akalemia diui diaye la lukumbu laye ladiku diʼakambu tshe.

³Lu lushi lakamakolombe, we akambukela, Akankikitsha, akakikitsha ndu utema ami.

⁴We Latuyalaka, khumi ya dikanga ya la kete tshe wayukandulaka, Ne dia vo wambuka aui wʼuma lʼunyo aye.

⁵Vo wayimbaka dia mbuka ya Latuyalaka, Ne dia lutumbu la Latuyalaka leko wuki.

⁶Kuyanga Latuyalaka eko ladiku, ndi atukanelaka kanga ndjakitshakitsha. Keli ndi atulimbitelaka kanga utaku uma lʼetali.

⁷Kuyanga dimi latokendakendaka lʼatei a pa, we ayumbulula. We atusimbulaka lunya laye dia nshimba atunyi ami. Ku lunya laye la pami latunshimbelaka.

⁸Latuyalaka ayuluwanya akambu ane. We Latuyalaka, ngandji kaye ka shikaa katutshikalaka pundju, Tosekaki elimu wʼanya aye!