Read tetala Esambu 140 Bible Online

Esambu 140 - tetala bible

Esambu 140

¹Latuyalaka li, unshimbeli uma le untu a kolo, Unami uma le kanga ngala.

²Vo watusanguyaka akambu wa kolo lʼetema awo, Watuyalongosolaka dia ndo ta.

³Vo wakadji nimi yawo diesa uku elui, Lolengo la kunga latuyalaka la tshina diʼelomo awo.[207]

⁴Latuyalaka li, umpandja uma lʼanya wʼantu wa kolo, Unami uma le akanga a ngala, Watukanaka yimba ya nkoshami!

⁵Akanga wʼetaku watumambaka tulunga la asuni Watumambaka otei lʼumamu a mbuka, Watumambaka ndu aleha.

⁶Dimi lakatela Latuyalaka nti: We keli Unyashungu ami, Latuyalaka li, uki aui ami wʼosengosengo!

⁷Latuyalaka, Khumadiondjo li, we keli wulu wa panda kami! We atukumbaka ote ami lushi la ta.

⁸We Latuyalaka, tetawoki nangu yʼantu wa kolo nshidiyama, Taluwanyiaki elimu awo, watukuyasema!

⁹Kolo ya waku watunyingaka la lotengo Yakaluli le wo vame!

¹⁰Akalanga wa dja wahemi lʼete awo! Antu ako wakadjemi lu dja, Lu afuku wʼehongo wahaweyi ntumba ntu.

¹¹Kanga lulimi la kolo hashikikala la kete. Kolo katuyangaka kanga ngala dia mbushisha.

¹²Dimi mbeyaka nti: Latuyalaka ayusambula ololo le amenyi fono, La sambu kʼololo le ahumbi.

¹³Mete, antu wʼololo wayandulaka lukumbu laye, Ndu antu wʼusimbwi wayudjaseka lasuki la ye.