Read tetala Esambu 147 Bible Online

Esambu 147 - tetala bible

Esambu 147

¹Nyandulaki Latuyalaka! Ne dia mimbelaka Unyashungu asu esambu wa diandu mbeli ololo, Dia mbandulaka mbeli dimena utamanya.

²Latuyalaka kakahiki Jerusalema, Kakasanganya asi Isariyele wakadianganyema.

³Ndi atokonoyaka etema wakate, Atombaka ahondo lu puta yawo.

⁴Ndi atalaka efula ka toto, Atutoleka kumbu to tshe.

⁵Khumesu keli wuki la wulu wa mamba, Yimba yandi yaha la ekumelu.

⁶Latuyalaka katumbiyaka akanga a ndjakitshakitsha, Katukitshakitshaka antu wa kolo pulu ndu lu kete.

⁷Nyimbeli Latuyalaka esambu wa mbuka lusaka, Nyimbeli Unyashungu asu esambu wa diandu la losese.

⁸Ndi katukumbaka ulungu la wangi. Ndi atutumaka mvula la kete, Atutundjaka adiyu ladiku diʼakuna.

⁹Ndi atukimoka mbu ya nde le nyama, Ndu le ana wa dingwangwa lamʼatuwawanaka.

¹⁰Ndi hatongenangenaka lu wulu wa falasa, Hatuyalaka la ongenongeno lʼekulu wʼuntu.

¹¹Latuyalaka atulangaka wane watuwukaka woma, Waku watulumgamelaka ngandji kandi ka shikaa.

¹²Jerusalema, anduli Latuyalaka, Siona, utumbuli Unyashungu aye!

¹³Ne dia ndi atukikitshaka esimbi wa kuki yaye, Atotshokolaka anʼaye wʼapami lʼatei aye.

¹⁴Ndi ateteka wudja aye ki, Atukulutshama mbu ya nde yuleki ololo.

¹⁵Ndi atutumaka elembe andi la kete. Diui diandi diatulawoka esadi.

¹⁶Ndi atukimoka lungi lʼekama la tshitshi uku diosa diʼekoko, Atudianganyaka lungi la tshitshi ka wulu uku utuku.

¹⁷Ndi atukadjaka ashi andi wakakami lu betshi betshi. Akona ayeya memala la ntundu ka tshitshi kandi?

¹⁸Ndi atutumaka diui diandi, atolelolaka betshi diako. Ndi atopepiaka lopepe landi, ku ashi watokelaka.

¹⁹Ndi katenyaka Jakoba diui diandi, Ndu elembe andi la adjangu andi le Isariyele.

²⁰Ndi kuntshela wedja tshe pupu; Osoku mbahaweyi adjangu andi. Nyandulaki Latuyalaka!