Read tetala Esambu 16 Bible Online

Esambu 16 - tetala bible

Esambu 16

¹Unyashungu li, unamaki, ne dia le ye katumekamaka!

²Dimi latutelaka Latuyalaka nti: We keli Khumemi, We keli ololo ami wuleki.

³Ekilami wa la kete, antu wʼotolo, Weli la ongenongeno ami tshe.

⁴Waku watulambulaka ukina elambu, watufudiaka okei awo. Dimi haletawo nambula elambu awo wa dikila, Kuyanga mvuta kumbu yawo lʼelomo ami.

⁵Latuyalaka, we eli sangu diami la dikoho diami diʼukito. We atunamelaka etenyi kami.

⁶Vo wambombedikela etenyi kuleki ololo, Ee, etenyi kami kʼukito keli dimena.

⁷Dimi layutumbulaka Latuyalaka, Undaki ami, Ee, ndu utema ami watundakaka lʼutshu.

⁸Latukitshaka Latuyalaka la ntundu kami nshi tshe. Lamʼatunduyalaka lu lunya lami la pami, dimi hatudidimaka la woma.

⁹Utema ami atongenangenaka otekoya. Okone khumʼutema kami atuyalaka lʼongenongeno, Ndu dimba diami diatuyalaka la elamelu.

¹⁰We hutshika utema ami lu Dihuli diʼEdu, Kuyanga mbetawo ulangimi aye mena diumbu.[16]

¹¹We ayomenyaka mbuka ka lumu; Engenongeno wa mamba weko la ntundu kaye;[17] Engenongeno wa pundju weko lu lunya laye la pami.