Read tetala Esambu 21 Bible Online

Esambu 21 - tetala bible

Esambu 21

¹Khumʼekanga atongenangenaka lʼelamelu kaye, we Latuyalaka; Ndi atongenangenaka lʼekimanyelu kaye.

²We akawusha kene kakalangi utema andi; We kumbudima kene kakalombe elomo andi.

³We akatatela mbotshokola la etshoko wʼololo, Akulimbi dembo dia kusu dia paunyi lʼote andi.

⁴Ndi akakolombe lumu, ku we akawushalo. We akawusha lulumbi la nshi kambi pundju.

⁵Lutumbu landi leli wuki, ne dia ekimanyelu kaye. We atuwushaka nemo la lukumu.

⁶We ambuwete otshokwami pundju, Atuludiaka lʼongenongeno too la ntundu kaye.

⁷Khumʼekanga atekamaka le Latuyalaka. Ku uma lʼololo wa KhumʼUlungu, ndi hatoseloka.

⁸Lunya laye layushula atunyi aye tshe, Lunya laye la pami layushula wane watukuhetshaka

⁹We ayuwaete uku khuka ka dja Lʼetena kayuyenama. Latuyalaka ayalanya lu kele kandi; Ndu dja yayatshumba.

¹⁰We ayushisha tukanula tawo tshe uma lu kete, Ndu diuhu diawo uma lʼatei wʼana wʼantu,

¹¹Ne dia vo wakasanguya nkutshela kolo. Vo wakasanguya tukanyi ta kolo, keli haweyi ntutsha.

¹²We ayakadimula ekongo, Ku we ayatsheta lʼuta aye.

¹³Latuyalaka li, utumbwami la wulu aye! Ku shu tayimbelaka wulu aye esambu wa diandu.