Read tetala Esambu 27 Bible Online

Esambu 27 - tetala bible

Esambu 27

¹Latuyalaka keli usasi ami la panda kami, Akona ukami woma? Latuyalaka keli usuko a lumu lami, Akona ukami woma?

²Lamʼakayi atshi wa kolo Dia ndjole emunyi ami, Atunyi ami la ampetshi ami Wakatakana, wakako.

³Kuyanga ului wʼalimbi wayunyinga dia ntshelami kolo, Utema ami huka woma. Kuyanga ta diambuya dia ntshelami kolo, Dimi layokolamelaka lʼelungamelu kami.

⁴Engo otoi kakamalombe Latuyalaka, to kayumuyangaka, Dia dimi mbidjase lu luudu la Latuyalaka lu nshi tshe ya lumu lami; Dia menda dimena dia Latuyalaka, Ndu dia mamba dia etemwelo kandi.

⁵Lu lushi la pa, ndi ayumbishe lu luudu landi lʼekila. Lu dihuli diʼeshamelu dia luudu landi la dipema mbayundumbishe; Ndi ayumeme ladiku dia dive.

⁶Ku ote ami ayediama ladiku dia atunyi ami wunyingi. Dimi layulambula elambu wʼongenongeno lu luudu landi la dipema; Dimi layimbaka esambu, ee, layimbeleka Latuyalaka esambu wa diandu.

⁷Latuyalaka li, uki diui diami lamʼakulelelami! Umbuki ketshi, unkaluya diui.

⁸We kata wati: Nyuyangi elundji kami. Okone utema ami ambetawo ati: Layuyanga elundji kaye, we Latuyalaka!

⁹Tusheki elundji kaye uma le mi, Tusukuyaki ukambi aye lu kele: We keli ekimanyelu kami. Tunkimoki, tonsekaki, we Unyashungu a panda kami!

¹⁰Lamʼamboseka papa la nyomi, Latuyalaka ayunungula.

¹¹Latuyalaka li, unimbitshiya mbuka kaye! Onombole lu vuka ya bamubamu, Ne dia atunyi ami.

¹²Tunkimoki lu lulangu lʼatunyi ami, Ne dia emenyi wa kashi wambunela dia ntshelami kolo, Ndu wane watembaka la kele lʼehembe.

¹³Dimi Iambetawo nti: Layena ololo wa Latuyalaka Lu kete ya wasena!

¹⁴Ulungameli Latuyalaka; Uyali la wulu, utema aye ayali la dihunga; E, ulungameli Latuyalaka.