Read tetala Esambu 29 Bible Online

Esambu 29 - tetala bible

Esambu 29

¹Nyu wa lʼulungu li, nyutumbuli Latuyalaka! Ee, nyanduli Latuyalaka, ne dia lutumbu landi la wulu andi.

²Nyutumbuli Latuyalaka, ne dia lutumbu la lukumbu landi. Nyotemolaki Latuyalaka lʼotemwelo wuleki dimena wa shikaa.[30]

³Diui dia Latuyalaka diatuyalaka ladiku diʼashi. Unyashungu a lutumbu atukhunguyaka dikhungula. Ndi keli Latuyalaka leli la diku dia ashi efula.

⁴Diui dia Latuyalaka dieko la wulu; Diui dia Latuyalaka dieko wuki utamanya.

⁵Diui dia Latuyalaka diatataka etamba; Latuyalaka atatshatshaka etamba wa la Lebanona.

⁶Ndi atulimbulimbuyaka Lebanona uku osongo wa ngombe, Ndu Siriyona uku osongo wa ndjati.

⁷Diui dia Latuyalaka diatutungaka nyumbi ya dja,

⁸Diui dia Latuyalaka, diatudidimiaka usui wa shenga, Ee, Latuyalaka atudidimiaka usui wa shenga wa la Kadeshe.

⁹Diui dia Latuyalaka diatutshaka fumbo ya wadi ana, Ndu dio diatutshikaka etamba wa lʼukunda ngandja tshu. Kene tshe katuyalaka lu luudu landi, katuhangohangoka ati: Lutumbu!

¹⁰Latuyalaka akadjaseka lu kiti kandi ka diulelu lu nshi yʼelula, Ee, Latuyalaka atudjaseka lu kiti kandi ka diulelu, atulelaka pundju.

¹¹Latuyalaka atushaka wudja andi wulu, Latuyalaka atotshokolaka wudja andi, atuwashaka ki.