Read tetala Esambu 36 Bible Online

Esambu 36 - tetala bible

Esambu 36

¹Kolo yatutshaka untu mvutaka lʼutema andi vati: Woma a Unyashungu kema la ntundu ka ashu andi.[39]

²Ndi atuyandulaka ndame, Ne dia kolo kandi atukenama, atukuhetshama.

³Aui wa kolo ndu wa lukesu weko lʼunyo andi. Ndi ambuheko dia ndjala la yimba ndu ntsha ololo.

⁴Lamʼetamindi, ndi atusanguyaka ntsha kolo. Atuyadjaka lu mbuka ka kolo; Ndi hatengaka kolo diengekhu.

⁵Latuyalaka li, ngandji kaye ka shikaa keko lʼulungu! Kolamelu yaye nkumaka pulu ndu lu wangi.

⁶Esambwelu kaye keko uku akuna wa Unyashungu, Dumbwelu diaye dieko uku luwinga la wuki. Latuyalaka li, we atulamaka ndu antu ndu nyama.

⁷Unyashungu li, ngandji kaye ka shikaa keko ushinga a wulu! Antu watuyangaka eshamelu la tshina diʼahafu aye.

⁸Vo watutshaka alambu lu efula ka diango dieli lu luudu laye; We atuwashaka dia no uma lʼokedi aye wʼengenongeno.

⁹Eteko ka lumu keko lasuki la ye. Uma lu usasi aye mbatutenaka usasi.

¹⁰Utetemalaki mbuka wane watukeyaka ngandji ka shikaa, Ndu panda kaye le wane well la etema wʼusimbwi!

¹¹Lukulu la kanga utaku takumaki le mi, dia ntshelami kolo, Ndu lunya la untu a kolo tambitshanyaki.

¹²Atshi wa kolo wamboko, wambumbama, Ku haweyi munela ntu.