Read tetala Esambu 46 Bible Online

Esambu 46 - tetala bible

Esambu 46

¹Unyashungu eli eshamelu kasu la wulu asu, Ekimanyelu ka wulu lu nshi ya pa.

²Okone shu hatuyuka woma kuyanga kete yayukungokungo, Kana akuna wayusukasuka, wayutambela lʼashi wa waki,

³Kana ashi awo wayudodo, wayutumba lufulu, Wayumbela ladiku dia ndjidimia akuna.

⁴Ndjali kemotshi keko la tokoko tatongenyangenyaka usumba wa Unyashungu, Ee, dihuli diʼekila diʼotemwelo wa KhumʼUlungu.

⁵Unyashungu eko lʼatei awo, usumba ako hawudidima; Unyashungu ayuwukimanyia esadi a wulu.

⁶Wedja wakahanahana wulu, waulelu wakasukasuka. Unyashungu akati diui, ku kete yakalelo la woma.

⁷Latuyalaka, Kanga lulimbilimbi eko la su, Unyashungu a Jakoba eli lungeli la su la wuki.

⁸Nyuyi, nyuyendi elimu wa Latuyalaka, Alanyelu wa mamba wakandatshi la kete.

⁹Ndi atukumiyaka ata pulu ndu lu kuma ya kete, Atowelaka uta, atokolaka dikonga, Atutshumbaka pusupusu ya ta lu dja.

¹⁰Nyuyali ki, nyeyi nyati: Dimi keli Unyashungu. Dimi layahamela wedja, layahamela kete tshe.

¹¹Latuyalaka, Kanga lulimbilimbi, eko la su, Unyashungu a Jakoba, eli lungeli lasu la wuki.