Read tetala Esambu 47 Bible Online

Esambu 47 - tetala bible

Esambu 47

¹Nyu antu tshe, nyuhumi saka, Nyudjeli Unyashungu dielu diʼongenongeno,

²Ne dia Latuyalaka, KhumʼUlungu, eli woma efula! Ndi keli Khumʼekanga ka wuki ka kete tshe,

³Ndi atutukitshikitshiyaka antu, Atukitshaka wedja la tshina diʼakaka asu.

⁴Ndi atutosonwelaka sangu diasu, Ee, lutumbu la Jakoba latundulangaka.

⁵Unyashungu ambumbela lʼatei a dielu diʼelembielo, Ee, Latuyalaka ambumbela lʼatei a lundju la amama.

⁶Nyimbelaki Unyashungu esambu wa diandu, ee, nyuwimbeli. Mete, nyimbeli Khumʼekanga kasu esambu wa diandu, ee, nyuwimbeli.

⁷Unyashungu keli Khumʼekanga ka kete tshe, Nyuwandulaki lʼusambu.

⁸Unyashungu atulelaka wedja, Atudjaseka lu kiti kandi kʼekila ka diulelu.

⁹Ana wʼewandji wa wedja wambusangana, Ee, wudja wa Unyashungu a Abarahama. Unyashungu kukanga dingawu dia la kete. Ndi eli umbediami wa ladiku.