Read tetala Esambu 51 Bible Online

Esambu 51 - tetala bible

Esambu 51

¹[47] Unyashungu li, umbuki ketshi uku eli wuki wa ngandji kaye ka shikaa. Udimuli kolo yami uku eli efula ka ketshi yaye.

²Unsuli pudipudi uma lu wengiya ami, Ombedia uma lu kolo kami,

³Ne dia dimi mbeyaka ehedia ami. Kolo kami keko la ntundu kami nshi tshe.

⁴Dimi lakakutshela kolo weme, Lakatshi kolo lu ashu aye, Ne dia we atusambulaka akambu ololo, Atulumbuyaka aha la shonodi.[48]

⁵Enda, dimi lakuto la unungu, Ee, uma lʼetatelu ka diemi diami le nyomi, dimi laki kolo.

⁶We atulangaka mete kʼumakʼesi utema, Ayumbetshaka akambu wa yimba lʼatei utema.

⁷Ombedia lʼasbi wa malashi, ku dimi layuyala pudipudi; Ombotsha, ku dimi layuleka pembe wema.

⁸Undudia lʼongenongeno la ki, Etawo weka wakayokola wangenengene.

⁹Unya ashu aye uma lu kolo yami, Udimuli wengiya ami tshe.

¹⁰We Unyashungu, untungeli utema wa pudipudi, Umumbisha lumu lʼololo.

¹¹Tumbitshanyaki etali uma la ntundu kaye, Tunyaki Nyuma kʼOlolo kaye uma le mi.

¹²Unkaluya lu ongenongeno wa panda kaye, Unsukeli la utema wa lulangu.

¹³Ku dimi layetshaka akanga wʼehedia mbuka yaye, La antu wa kolo wayukalula le ye.

¹⁴Unyashungu li, we Unyashungu a panda kami, untshunguli uma lu unungu wa dikila. Ku lulimi lami layukandulaka ne dia ketshi kaye.

¹⁵Khumadiondjo li, udihuli elomo ami, Ku unyo ami ayudianganyaka lutumbu laye.

¹⁶Utunduyala we atongenangenaka ulambu wa lutshumba, mbutumukushawo. Keli we hangenangena ulambu wa lutshumba.

¹⁷Elambu watongenangenaka Unyashungu well sulu diambate. Unyashungu li, we hatuni sulu diambate kana utema wa ndjakitshakitsha.

¹⁸Utshelaki Siona ololo uku alangaye, Uhiki lukumbu la Jerusalema ntu.

¹⁹Ku we ayongenangena lʼelambu wʼololo, La ulambu wa lutshumba. Ku vo wayukulambulaka esongo wa ngombe lʼediakelu kaye.