Read tetala Esambu 57 Bible Online

Esambu 57 - tetala bible

Esambu 57

¹[53] Unyashungu li, umbuki ketshi, umbuki ketshi! Ne dia lumu lami latuyangaka eshamelu le ye. Ee, la tshma dia ahafu aye katumushamaka, Edja ndu asui wa wulu wambushila.

²Dimi layulelelaka Unyashungu, KhumʼUlungu, Le Unyashungu latunkimanyiaka lu akambu tshe.

³Ndi ayutuma diui uma lʼulungu, ayunshimbela Uma lu sui dia one layanga ntshelami kolo. Unyashungu ayomenyaka ngandji kandi ka shikaa la kolamelu yandi!

⁴Lumu lami leko lʼatei wa tambwe. Lu dja kemi lʼatei awo: Anyu awo mbesaka uku akonga la akuwa, Nimi yawo mbesaka uku tombo ta pemo.

⁵We Unyashungu, ediami ladiku diʼulungu tshe! Lutumbu laye layali ladiku dia kete tshe!

⁶Vo wakamambi djunga lamʼatumetetaka. Utema ami ambukhunyama. Vo wakantshimela difuku, Ku vame wamboko loko.

⁷Utema ami ambukikitala, Unyashungu li, utema ami ambukikitala! Dimi layimbaka esambu, ee, layimbaka esambu wa diandu.

⁸Utema ami emo, dikembi diami la losese lami, nyemo. Dimi layeto la kesekese.

⁹Khumadiondjo li, dimi layukutumbulaka lʼatei antu. Layukimbelaka esambu wa diandu lʼatei a wedja.

¹⁰Ngandji kaye ka shikaa nkumaka pulu ndu lʼulungu, La kolamelu yaye pulu ndu lu wangi.

¹¹Unyashungu li, utumbwami la diku diʼulungu. Lutumbu laye layali la diku dia kete tshe.