Read tetala Esambu 62 Bible Online

Esambu 62 - tetala bible

Esambu 62

¹Utema ami atulungamelaka Unyashungu la ki; Ndi katumpandjaka.

²Ndi keli dive diami la panda kami. Ndi keli wumbe ami wa ta, dimi halusutshasutshama.

³Ukundi asuyanyu untu edja okone na? Ukundi ayanganyu mbudiaka, Uku eheli kambengama, Kana uku lukumbu lutsha nyuko?

⁴Vo watukanaka yimba dia mbukitshakitsha uma lu lutumbu landi. Vo watongenangenaka lu kashi, Watotshokolaka lʼenyo awo. Keli lʼetema, vo watuwudjaka mananu.

⁵Utema ami ulungameli paka Unyashungu la ki, Ne dia elungamelu kami keko le ndi.

⁶Ndi keli dive diami la panda kami; Ndi keli wumbe ami wa ta, dimi halusutshasutshama.

⁷Le Unyashungu keli panda kami la lutumbu lami; Ndi keli dive dia wulu ami la eshamelu kami.

⁸Nyu antu tshe, nyekamaki le Unyashungu tena tshe, Nyokenene etema anyu la ntundu kandi. Unyashungu keli eshamelu kasu.

⁹Mete antu kʼantu, anyanya mbewo. Ndu antu a waki, akanga kashi mbewo. Naka vo wayedikama lu kilo, Vo tshe kame wayuleka luwi lafufa untu usadi.

¹⁰Tanyekamaki akambu wa ngala, Tanyokomiyaki dia ehotwanelu ka diango. Kuyanga diango diambufulanela, Tanyudiekamaki.

¹¹Etena kemotshi Unyashungu akateketa; Ee, tena pendi mbakamuki dikambu ne ati: Wulu tshe weko paka le Unyashungu.

¹²Khumadiondjo li, ndu ngandji ka shikaa katuyalaka le ye, Ne dia we atufutaka untu tshe uku etsha andi.[56]