Read tetala Esambu 63 Bible Online

Esambu 63 - tetala bible

Esambu 63

¹[57] Unyashungu li, we keli Unyashungu ami, dimi layukuyangaka lʼutema tshe. Utema ami atukuvoka pusa, dimba diami diatukukumbulaka, Uku kete ya wumu mbahumba ashi, lenʼeli kema ashi.

²Okone mbakamakendaka lʼotemwelo, Dia mena wulu aye la lutumbu laye.

³Elomo ami wayukutumbulaka, Ne dia ngandji kaye ka shikaa kuleki lumu ololo.

⁴Dimi layediaka anya ami lu lukumbu laye, Layukutumbulaka lamʼekimi la lumu.

⁵Utema ami ayulutshama uku atulutaka untu ma diʼololo. Dimi layukimbelaka esambu wa diandu lʼongenongeno.

⁶Lamʼatumukuhoka lu tangi kami, Dimi latulalaka ungundu lamʼatumukukanaka,

⁷Ne dia we katunkimanyiaka, Okone mbatumongenangenaka la tshina diʼahafu aye.

⁸Lumu lami latutamanyaka nkuyela, Lunya laye la lupami latunsukelaka.

⁹Keli waku watuyangaka ndjakami Wayukhundema lʼudimu a pengandu,

¹⁰Ee, vo wayudiakema la yombo ya ta, Ku mbulu yayuwale.

¹¹Keli khumʼekanga ayongenangenelaka Unyashungu. Untu tshe latutshibelaka, ayutumbwama, Ne dia enyo wʼakanga a kashi, wayudihama.