Read tetala Esambu 69 Bible Online

Esambu 69 - tetala bible

Esambu 69

¹Unyashungu li, unshimbeli! Ne dia ashi wambukuma pulu lu kingu kami.

²Dimi luyanga ndjita lu loteke, lahene la memala. Laya lʼashi wa dingunda, elula utsha ndjitshami.

³Lambuheko mbawana, wudi ami ambuma tu la delu, Ashu ami wambule lamʼewewami Unyashungu ami.

⁴Wane watumpetshaka uhetshahetsha[62] ndekaka weondji wa divu diami efula. Atunyi ami watutaka kashi dia ndjakami, weko efula, Dieli la mi dia nkaluya diango diakimi kompotola antu.

⁵Unyashungu li, we mbeyaka utshatsha ami, Kolo yami hayushamaka la ntundu kaye.

⁶Khumadiondjo, Unyashungu, Kanga lulimbilimbi li, Tetawoki waku watukulungamelaka mbutshama sonyi lu dikambu diami! Unyashungu wa Isariyele li, Tetawoki wane watukuyangaka monywama lu dikambu diami!

⁷Dia dikambu diaye mbakamatengama, Lakavu sonyi.

⁸Dimi lambuyala uku ongendangenda le asikami, Lambuyala uku untu kʼuntu le wane wakuto la mi utema otoi.

⁹Ngandji kʼutamanya kukami etemwelo kaye kambundjaka.[63] Tengo yatukotengaka atunyi aye, yaya lʼote ami.[64]

¹⁰Dimi lakakulelela, lakasuya lumu lami lʼekilelu ka ma, Diako mbakamatengama.

¹¹Lamʼakamalote ahondo wʼutanda, Ku wakambukana wela.

¹²Wakambidjasela la suku dia lukumbu, Ndu lakimbama le anoshi a wanu.

¹³Latuyalaka li, le ye katumolombaka lʼetena kʼololo, Unyashungu li, umbukeli uku eli efula ka ngandji kaye ka shikaa! Lu mete ka panda kaye, unkaluya diui.

¹⁴Untundja uma lu loteke lone, ntukudita loko. Umpandja uma lʼanya wʼatunyi, ndu uma lʼashi wa dingunda.

¹⁵Tetawoki elula ndjitshami, Kuyanga dingunda menami; Tetawoki difuku ntediami.

¹⁶Latuyalaka li, umbukeli, ne dia ngandji kaye ka shikaa keli ololo. Usikiso uya le mi, unkaluya diui uku eli ololo la efula ka ketshi kaye.

¹⁷Tusheki elundji kaye uma le ukambi aye, Ne dia lu fono kemi, umbukeli esadi.

¹⁸Usukani uya lʼutema ami, untshunguli, Umpandja uma le atunyi ami.

¹⁹We mbeyaka uku atengawo, uku akamutshama sonyi, la uku akamonywama. Atunyi ami tshe weko la ntundu kaye.

²⁰Tengo yambukhunyamia utema ami khunya. Dimi latuyangaka wane wa mbuka ketshi, ku nduku untu; Latuyangaka wane wa nsamba, ku nduku untu.

²¹Watumbishaka lolengo uku ma; Lamʼatumukaka pusa, watuwumbishaka ashi wʼukai.[65]

²²Mesa awo atakanya; Lamʼudjashiwo loko dia nde ma, wayali djunga le wo.

²³Ashu awo wayali lungi diaha vo nsena; Uwadidimiaki tena tshe lʼetema awo.[66]

²⁴Uwaumali kele utamanya, Uwauki ududu wa mamba.

²⁵Ngelu Kawo kayali tuuku, Kaheyi antu mbidjase lu mvudu yawo yʼapema.[67]

²⁶Vo watusuyaka one lakayakomola, Watutanelaka dia okei wa one lakayakote puta.

²⁷Ahatanyiawo kolo ladiku dia kolo kawo, Osoku mbahawakumi lu sambu kaye kʼololo.

²⁸Dimulawo kumbu uma lu buku dia wasena,[68] Ndu tawufundamaki kame lʼantu wʼololo.

²⁹Keli usi wula la omenyi fono mbemi. Unyashungu li, panda kaye kanshikike lu dihuli dia ladiku.

³⁰Dimi layandula lukumbu la Unyashungu lʼusumba, Layutumbula leukelu ka lusaka.

³¹Dikambu ne diayoneenyangenya Latuyalaka, uleki ulambu wa ngombe Kana osongo wa ngombe weli la seki la sanga.

³²Akanga a memakana watenaka dikambu ne, watongenangenaka. Etema anyu, nyu wane watuyangaka Unyashungu, watshikalaki la lumu.

³³Latuyalaka atukelaka asi wula; Ndi honyolaka fumbi yandi.

³⁴Ulungu la kete wutumbuli, Ndu ashi a waki la diango tshe diatokendakendaka loko.

³⁵Unyashungu ayushimbela Siona, ayuhika esumba wa Juda ntu. Ku ekambi andi wayudjaseka loko, wayuyikita.

³⁶Tukanula tʼekambi andi mbayuyikita; La waku watulangaka lukumbu landi, mbayudjaseka loko.