Read tetala Esambu 72 Bible Online

Esambu 72 - tetala bible

Esambu 72

¹Unyashungu li, ulakanya khumʼekanga lamʼambala akambu wʼololo, Enya ona khumʼekanga sambu kaye kʼololo.

²Ndi asambulaki akambu wa wudja aye ololo, Ndu akambu wʼasi wula la dialelu diʼusimbwi.

³Ekungu washa antu ki, Ndu akuna waluwanya antu.

⁴Ndi kalelaki amenyi fono ololo, Kamelaki ana wʼasi wula, Katshatshaki asuyanyi tetshitetshi.

⁵Okone mbayuwukukaka woma lu nonga tshe, Lamʼatuwaleka yanyi, Ndu lamʼatukashiyaka wedi.

⁶Ndi atshokolaki antu uku atolokaka mvula lʼekambo, Uku atoloyaka mvula kete.

⁷Lu nshi yandi kukongona antu wʼololo, Ki ka mamba kayalaki le wo edja ndu ngondo hayale ntu.

⁸Ndi kulelaki uma lʼashi a waki pulu ndu lʼashi akina a waki, Ndu uma lu Ndjali pulu ndu lu kuma ya kete.[69]

⁹Waku wudjashi lʼusui wayukhusamela, La atunyi andi wayuyatelaka ditshu.

¹⁰Khumi ya dikanga ya la Tarashishi ndu nye ya lu kete ya lʼatei wʼashi wayulambula elambu. Ndu khumi ya dikanga ya Sheba la ya Seba wayuwushaka eshasha.

¹¹Khumi ya dikanga tshe kawukhusameli, Wedja tshe kawukambeli ulimu.

¹²Ndi kameli uhumbi lamʼawulelelandi, Ndu usi wula laha la ukimanyidi pupu.

¹³Ndi kukaki amenyi fono la asi wula ketshi, Kamelaki nyumu ya amenyi fono.

¹⁴Ndi katshunguli nyumu yawo uma le akangʼa lukesu la wa ngala. Dikila diawo diayuyala ushinga a wulu lu ashu andi.

¹⁵Ndi kalumbaki, ku vo wayuwusha paunyi ya la Sheba. Antu wayowolombelaka Unyashungu tena tshe. Ndi ayutumbwamaka la lushi la lushi.

¹⁶Kete ya lʼete wʼakuna yayongonyaka mbu ya nde efula. Elua wʼetamba awo kawolendelende sandji sandji uku lu etamba wa la Lebanona. Asi esumba kawufulaneli uku adiyu wa lu kete.

¹⁷Lukumbu landi layutshikalaka pundju, Lukumbu landi layutshikalaka edja ndu yanyi hayuwale pundju. Antu wayotshokwamaka le ndi, Wedja tshe wayuwetaka vati: Otshokwami.

¹⁸Unyashungu, Latuyalaka, atumbwami, Unyashungu wa Isariyele, ndame katutshaka akambu wa mamba!

¹⁹Lukumbu landi la mamba latumbwami pundju! Kete tshe yaluli la lutumbu landi! Ayali osoku! ayali osoku!

²⁰Alombelo wa Davidi, onʼa Jese, wambukumela.