Read tetala Esambu 76 Bible Online

Esambu 76 - tetala bible

Esambu 76

¹Unyashungu ateyamaka la Juda, Lukumbu landi leko wuki lu Isariyele.

²Etemwelo kandi keko la Salema, La edjaselu kandi lu Siona,

³Leko kakandalanya akhuwa, Engawu, yombo, la diango dia ta.

⁴We keli kanga lutumbu la wulu wuleki Ekungu wa pundju.

⁵Ahuka wa dihunga wakalembiama, Wakalali djo ya ndjihelu. Wulu wʼahuka ako wakashili, kumbeya ndo ta ntu.

⁶We Unyashungu a Jakoba, la luhangu laye Mbakalanyema pusupusu ya ta la falasa.

⁷We weme kukawo woma! Untu akona ayemala la ntundu kaye lamʼumalaye?

⁸Elumbwelu kʼuma lʼulungu kakukema; Wa la kete wakuki woma, wakalembohala,

⁹Lamʼakunela Unyashungu dia nsambula akambu, Dia nshimbela akanga a memakana tshe wa la kete.

¹⁰Lamʼayuyumala kele kaye tshe, Mete, kele kʼuntu kayukutumbula.

¹¹Nyulaki Latuyalaka alaka anyu, nyukutsha alaka ako le Unyashungu anyu. Wane tshe wudingi, wela Unyashungu kengandu eshasha.

¹²Ndi katukitshakitshaka utaku wʼana wa khumi ya dikanga. Ndi atutshelaka khumi ya dikanga akambu wa mamba.