Read tetala Esambu 77 Bible Online

Esambu 77 - tetala bible

Esambu 77

¹Dimi layulelelaka, Layudaka tukuku, Ku ndi ayumbukela.

²Dimi lakayangi Khumadiondjo lu lushi lami la pa. Ndu lʼutshu, dimi kumpeko nsimbula lunya lami utsha le ndi lu dombelo. Utema ami akatuni esambelu.

³Dimi latuhoka Unyashungu, latudaka tukuku. Dimi latukanaka yimba lu dikambu diandi, Ku lumu lami latushilaka wulu.

⁴We atunshimbaka dia mbetama djo. Dimi haleyi nteketa, ne dia wutshu lʼutema.

⁵Dimi latukanaka yimba dia nshi ya ntundu, Latuhoka deku diʼedjedja.

⁶Dimi latuyauhulaka esambu ami lʼutshu, Latumbulaka utema ami, Latushishimaka utema ami.

⁷Khumadiondjo ayutukadja pundju? Hututshela ololo ntu?

⁸Ngandji kandi ka shikaa kambushila pundju? Daka dianai diambushila pundju?

⁹Ndi ambuhela ntuka ngandji ka mamba uka? Uma lu kele kandi, mbahandayutuka ketshi?

¹⁰Dimi lakati nti: Delu diami ne, Lunya la pami la KhumʼUlungu lambukadimo, lambumo uku akilo.

¹¹Dimi layusanyaka dia elimu wa Latuyalaka, Ne dia dimi latuhoka akambu aye wa mamba wa nshi yʼedjedja.

¹²Dimi layukanaka yimba dia elimu aye tshe, Layusawulaka lʼutema ami ne dia etsha aye.

¹³Unyashungu li, mbuka yaye yeko ekila. We Unyashungu asu, etemolatemola kakona keli wuki uku we?

¹⁴We keli Unyashungu latutshaka akambu wa mamba; We atenyaka antu tshe wulu aye.

¹⁵La lunya laye mbakayatshungula wudja aye, Ana wa Jakoba la wa Josefu.

¹⁶Ashi wakakenyi, we Unyashungu, Ashi wakakenyi, wakadidima; Ndu angunda wakasaki kumba.

¹⁷Wa igi wakalosha mvula ya ngimbi, Akhungula wakaluli lʼulungu, Angadimu aye wakakukanela lu ahuli tshe.

¹⁸Lundju la dikhungula diaye lakukema lʼatei a ngimbi. Angadimu wa ndjadi wakangadimo, wakasenyaka andja. Kete yakadidima, yakasaki lukumba.

¹⁹We atetetaka lu ndjali ndu lu ashi a waki. Keli wanya aye hawutenamaka.

²⁰We akalombola wudja aye La lunya la Mose ndu la Arona, Uku atolombolaka ulami limba landi la dungalunga.