Read tetala Esambu 83 Bible Online

Esambu 83 - tetala bible

Esambu 83

¹Unyashungu li, tutshikalaki ki, Tolembohalaki, Tumuyaki, we Unyashungu.

²Enda atunyi aye wambuhasahasa, Wane watukuhetshaka, wambunyiya ete.

³Vo wambudja sheki ya wulu dia ntshela wudja aye kolo, Wambusanga lulimi dia nanya wane watuyulangaka.

⁴Vo wambuta vati: Nyeso, tutushili wudja awo ushiki, Dia lukumbu la Isariyele mbuhamela pundju.

⁵Antu ane wambusanga lulimi la utema otoi, Wambukudjela sheki ya nkutshela kolo:

⁶Asi Edome, asi Ishamele, Asi Moaba, asi Hangara,

⁷Asi Ngebala, asi Amona, asi Amaleka, Asi Filistiya, kame la asi Tura.

⁸Ndu asi Asuriya wambuyala kame la wo. Vo wakakimanyia ana wa Lota.

⁹Uwatsheli uku akayatshela Midiyana,[100] Sisera, la Jabina lu okedi wa Kishona.[101]

¹⁰Vo wakalanyema la Ene-Dora, Wakayala eteto ka ntemia kete.

¹¹Utsheli ewandji awo uku akayatshela Oreba la Zeba,[102] Ndu ana awo wʼewandji uku Zeba la Zalamuna.[103]

¹²Vo wambuta vati: Nyeso tahotole kete ya Unyashungu Yo yayali yasu hita.

¹³Unyashungu ami li, uwaete uku ditshu dia punganendji, Uku fufudi yatembaka lopepe.

¹⁴Uwaete uku dja yatalalo lʼukunda, Uku nyumbi yatadikita lʼakuna.

¹⁵Uwatshanya la luhunga laye, Uwaukia woma la ngimbi kaye,

¹⁶Ukumbi dundji diawo la sonyi, Edja ndu vo wambetawo nyanga lukumbu laye, we Latuyalaka!

¹⁷Wutshami sonyi, wasakaki kumba pundju, Wakanani, washili la sonyi.

¹⁸Kaweyi vati: We latuwetaka vati: Latuyalaka, Weme keli KhumʼUlungu, umbuledi wa kete tshe.