Read tetala Esambu 84 Bible Online

Esambu 84 - tetala bible

Esambu 84

¹We Latuyalaka, Kanga lulimbili mbi, Ndi temwelo diaye amena li!

²Lumu lami latukumbulaka ndjala lu seke diʼetemwelo ka Latuyalaka Edja ndu dimba diambukita balakata. Utema ami la dimba diami watukumbulaka Unyashungu a lumu.

³Esole kambutana dihuli dia ntsha kefu kato, La yengenga dihuli dia mbudia anʼayo, Lu diakelu diaye, we Latuyalaka, Kanga lulimbilimbi, Khumʼekanga kami la Unyashungu ami.

⁴Wane watudjaseka lu luudu laye, watongenangenaka otekoya! Watukutumnulaka pundju.

⁵Wane watekamaka le ye, watongenangenaka, Esese wʼutsha la Siona watuyalaka lʼetema awo.

⁶Lamʼatuwetaka lʼukidi a lunyangu, Vo wateteka ukidi ako dihuli dia teko diʼetshoko, Ndu uku kete yamboloyama la mvula yʼalohoki.

⁷Wulu awo atutamanyaka nfula lamʼatawakendakenda. Vo tshe watuyaenyaka le Unyashungu lu Siona.

⁸We Latuyalaka, Unyashungu, Kanga lulimbilimbi, uki dombelo diami. Uhuke tui, we Unyashungu a Jakoba.

⁹We Unyashungu, engawu kasu, Endi one lakayakiti iso.

¹⁰Dia ndjala lʼetemwelo kaye lushi otoi, ambuleka ndjala nshi kinunu amʼakina ololo. Dimi lambuleka nanga ndjala ulami wa suku dia luudu la Unyashungu ami, Uleki mbidjase lu mvudu yʼantu wa kolo, akanga wʼengonyi,

¹¹Ne dia Latuyalaka, Unyashungu keli unya la engawu. Ndi atukahaka ngandji ka mamba ndu lutumbu; Ndi hatudimaka wane watokendakendaka lu akambu wʼusimbwi engo kʼololo.

¹²Latuyalaka, Kanga lulimbilimbi li, Untu tshe latukekamaka eli la ongenongeno!