Read tetala Esambu 85 Bible Online

Esambu 85 - tetala bible

Esambu 85

¹Latuyalaka, we akatshelaka wudja aye ololo, Akangonyaka Jakoba.

²We akadimanyia wudja aye ehedia awo, Akakumbi kolo yawo tshe.

³We akakimo yenyi yaye tshe, Akakadimo uma lʼududu aye wa kele.

⁴We Unyashungu panda kasu, utukadimuli! Ushimbi kele kaye le su.

⁵We ayutuka kele pundju? We ayutatalulaka kele kaye lu lolonga la lolonga?

⁶We hutulula ntu, Dia wudja aye nkongenengenela?

⁷We Latuyalaka utenya ngandji kaye ka mamba, Utushimbeli.

⁸Dimi layulunga kene tshe kayuta Unyashungu, Latuyalaka. Ndi ayoteketaka akambu wa ki le wudja andi ndu le ekilami andi. Keli tawukalulaki lʼakambu wʼenginya.

⁹Mete, panda kandi atuyalaka lasuki la waku watuwukaka woma, Dia lutumbu ntshikala lu kete yasu.

¹⁰Ketshi la mete wambuhumana, Ololo la ki wambukhumbatanela.

¹¹Mete katutumbaka uma lu kete, La ololo watendaka uma lʼulungu.

¹²Ee, Latuyalaka atukahaka kene keli ololo, La kete yasu yatongonyaka mbu ya nde.

¹³Ololo watutshokaka la ntundu kandi, Ndu watatelaka ekulu andi mbuka.