Read tetala Esambu 88 Bible Online

Esambu 88 - tetala bible

Esambu 88

¹We Latuyalaka, Unyashungu a panda kami, Dimi latukulelelaka ndu la yanyi ndu lʼutshu.

²Etawo dombelo diami nkuma le ye! Uhuke tui lʼosengosengo ami,

³Ne dia utema ami wambohenyahenyama efula, La lumu lami lambelela utsha lu Difuku.

⁴Dimi lambalema lʼonongo wʼedu, Lambuyala uku untu laha la wulu.

⁵Dimi lambukalema lʼatei wʼedu, Uku waku wakadiakema wetami lu waumbu, Uku wane wahayayuho, Uku waku wakamo uma lu lunya laye.

⁶We akambikadja lu difuku diʼutali, Lʼohongo, lʼudjima a tshududu.

⁷Kele kaye aya wutshu a wulu le mi, We ambunsuya la asukhu aye tshe.

⁸We akamanganyia engenyi ami etali, Akambete engo ka dionyo le wo. Ndu lambudihama, ku haleyi ntumba.

⁹Ashu ami wambule lʼokei. Dimi latukolombaka nshi tshe, we Latuyalaka! Latusimbulaka anya ami le ye.

¹⁰We ayutshela edu akambu wa mamba? Wane wakavu, wayulo, wayukandula uka?

¹¹Wayoteketa dia ngandji kaye ka shikaa lu waumbu, Kana dia kolamelu yaye lʼudimu a pengandu?

¹²Akambu aye wa mamba wayeyama lu udjima, La sambu kaye kʼololo lu wudja wambuhamela?

¹³We Latuyalaka, le ye katumulelaka, Dombelo diami diatumbelaka le ye la pindju.

¹⁴Latuyalaka, dikambu kuna diatuyusukulaka utema ami? Bundi, katuyumbishelaka elundji?

¹⁵Dimi latusuyamaka, latuyalaka lasuki la nyoi umaka nshi yami ya dikenda, Dimi latokomoka lamʼatumusuyamaka la woma aye.

¹⁶Ududu wa kele kaye watetaka ladiku diami, Woma aye wambumbitshanya.

¹⁷Woma watunyingaka nshi tshe uku ashi, Vo tshe watunyingaka kame.

¹⁸We akamanganyia umbekesanedi la ongenyi. Wane wukami ngandji wakashisho.