Read tetala Esambu 91 Bible Online

Esambu 91 - tetala bible

Esambu 91

¹One latudjaseka lu ekumbelu ka KhumʼUlungu, Kayuyalaka lu didjidji dia Kanga-Wulu-Tshe.

²Dimi latutaka dia Latuyalaka nti: Ndi keli eshamelu kami la lungeli lami, Unyashungu ami katumekamaka.

³Ndi ayukuhandja uma lu djunga yʼumambi, Ndu uma lʼelandu wa nyoi.

⁴Ndi ayukukumbaka la sala yandi, Ku we ayushama la tshina diʼahafu andi. Mete kandi keli engawu la ukumbo wa mbulu.

⁵Tuyalaki la ohodu lu woma wa lʼutshu, Kuyanga lu pitu yatuwukaka la yanyi.

⁶Tukaki elandu watudianganaka lʼutshu woma, Kuyanga elanyelu katuyakaka la midi.

⁷Antu kinunu wayoko lu wedi aye omotshi, Ndu antu nunu dikumi lu lunya laye la pami. Keli akambu aso hawukuma le ye.

⁸Paka lʼashu aye atu mbayuyenda, Ku we ayena difutu diʼantu a kolo.

⁹We atutaka wati: Latuyalaka keli eshamelu kami, KhumʼUlungu keli edjaselu kami.

¹⁰Okone dikambu so dia kolo hadiukuma le ye, Ndu nduku hemo kayusukana lasuki la luudu laye.

¹¹Ndi ayukosengwela andjelo andi.[111] Dia vo nkulama lu mbuka yaye tshe.

¹²Vo wayukemba lʼanya awo, Ne dia utukuhumanya dikaka diaye lu dive.[112]

¹³We ayukamela tambwe la dikhuha, We ayohotshahotsha onʼa tambwe la ului la tshina diʼakaka[113]

¹⁴Dimi layushimbela, ne dia ndi atumbukaka ngandji; Layuwumbiya, ne dia ndi ateyaka lukumbu lami.

¹⁵Lamʼayundumbetaka, dimi layuwetawoka, Layuyalaka la ndi lu pa, Ku layûshimbela ndu layolemiaka.

¹⁶Dimi layulumbia edja, Layuwenya panda kami.