Read tetala Esambu 92 Bible Online

Esambu 92 - tetala bible

Esambu 92

¹Eko ololo mbukaka Latuyalaka lusaka, Ndu dia mandulaka lukumbu laye, we KhumʼUlungu,

²Dia nsanyaka ngandji kaye ka shikaa la pindju, Ndu kolamelu yaye lʼutshu,

³La losese lʼekodi dikumi la dikimbi, Lʼekuma wa losese.

⁴Latuyalaka li, we atongenyangenyaka lu akambu aye! Layukutumbulaka ne dia elimu wʼanya aye.

⁵We Latuyalaka, ndi elimu aye waki li! Ntu tukanyi taye dikambu dia mamba!

⁶Djeli yʼuntu heyi dikambu ne, Ndu enginya hadilimbitela:

⁷Lamʼatuluwanaka atshi wa kolo uku adiyu, Ndu lamʼatongonaka waku tshe watutshaka kolo uku adiyu wʼomongela, Eli paka dia vo nanyema pundju.

⁸Keli we Latuyalaka keli KhumʼUlungu pundju,

⁹Ne dia atunyi aye, we Latuyalaka, Waku watukuhetshaka, wayulanyema. Waku tshe watutshaka kolo, wayuhandjwama.

¹⁰We akambisha wulu uku wa ndjati. Dimi lakaloyama lʼiso kʼuyuyu.

¹¹Ashu ami wambena kene katumulangaka mena le atunyi ami, Ndu atui ami wambuka kene katumulangaka mbuka le antu wa kolo waku watumpetshaka.

¹²Antu wʼololo watuluwanaka uku atuku. Vo watulaka uku etamba a waki wa la Lebanona.

¹³Vo watunemaka lu luudu la Latuyalaka, Watongonaka lu aseke a Unyashungu asu.

¹⁴Vo wayotokaka elua ndu lu nshi yawo yʼesumbi. Vo wayuyala uku utamba wuludi too lʼashi ndu lʼakatshi wʼeyuyu,

¹⁵Dia menya ati: Latuyalaka kʼusimbwi. Ndi keli dive diami, nduku dikambu dia kolo dieli le ndi.