Read tetala Esambu 96 Bible Online

Esambu 96 - tetala bible

Esambu 96

¹Nyimbeli Latuyalaka usambu wʼuyuyu! Nyu wa la kete tshe, nyimbeli Latuyalaka!

²Nyimbeli Latuyalaka, nyutumbuli lukumbu landi, Nyutaki dia panda kandi la lushi la lushi!

³Nyusanyaki lutumbu landi lʼatei a wedja, La elimu andi wa mamba lʼatei antu tshe.

⁴Latuyalaka keli wuki, ndi kukuki ntumbwama efula, Kukuki mbukama wama ladiku dia ditemolatemola tshe,

⁵Ne dia ditemolatemola tshe diʼantu dieko dikishi. Keli Latuyalaka kakatungi ulungu.

⁶Nemo la lutumbu weko la niundu kandi, Wulu la dimena weko lʼetemwelo kandi.

⁷Nyu wauhu wʼantu, nyanduli Latuyalaka, Nyanduli Latuyalaka ne dia lutumbu la wulu andi!

⁸Nyanduli Latuyalaka la lutumbu ledimi la lukumbu landi! Nyela elambu, nyoto lu aseke andi.

⁹Nyotemole Latuyalaka lʼotemwelo wuleki dimena wa shikaa.[120] Nyu wa la kete tshe, nyudidimaki la ntundu kandi!

¹⁰Nyutelaki wedja nyati: Latuyalaka kuledi, Ndu andja watushikikalaka, haweyi nsutshasutshama. Unyashungu ayusambula akambu aha la shonodi.

¹¹Ulungu angenengene, kete atamanya ngenangena. Ashi a waki wadikitaki kame la diango tshe dieli loko.

¹²Usui angenengene kame la diango tshe diatuyalaka loko. Etamba tshe wa lʼekunda wadjaki dielu diʼongenongeno

¹³La ntundu ka Latuyalaka, ne dia ndi uyayi. Ndi uyayi dia ndjulumbuya kete: Ndi ayulumbuya andja la sambu kʼololo, La antu la mete kandi.