Read tetala Esambu 99 Bible Online

Esambu 99 - tetala bible

Esambu 99

¹Latuyalaka kuledi, antu wasakaki kumba. Ndi atudjaseka ladiku dia akeruba,[121] kete yadidimaki.

²Latuyalaka keli wuki lu Siona. Ndi kahemedi antu tshe.

³Wandulaki lukumbu laye la wuki la mamba! Ndi ekila kendi li!

⁴Khumʼekanga ka wulu atulangaka elumbwelu kʼololo. We atushikikeka akambu wʼusimbwi, Atuluwanyaka elumbwelu ka sambu kʼololo lu Jakoba.

⁵Nyutumbuli Latuyalaka, Unyashungu asu, Nyuyotemole lasuki la kihuna kandi ka nkitsha ekulu! Ndi ekila kendi li!

⁶Mose la Arona lʼatei wa elombedi andi, La Samuele lʼatei a wane wakatemolaka lukumbu landi, Wakalombaka Latuyalaka, ku ndi akawaukelaka.

⁷Ndi akateketaka la wo lu ekoho ka dingi.[122] Vo wakalamaka elembe andi, Ndu didjangu diakandadjangela.

⁸Latuyalaka, Unyashungu asu li, we akawaukela. We keli Unyashungu lakadimanyiaka, Kuyanga we akasuya ne dia munga yawo.

⁹Nyutumbulaki Latuyalaka, Unyashungu asu. Nyôtemolaki la ukungu andi wʼekila, Ne dia Latuyalaka, Unyashungu asu eli ekila!