Read tetala Tukedi 2 Bible Online

Tukedi 2 - tetala bible

Tukedi 2

¹Onʼami, naka we ayulunga aui ami, Ndu ayulama elembe ami;

²Naka we ayuhuke tui lu yimba, Ndu ayediya utema aye lu ewu,

³Ee, lamʼayuyulelela yimba, Ndu lamʼayuyuwelela ewu;

⁴Naka we ayukiyanga uku fesa, Ndu ayukiyanga wulu uku eumbelu kushami,

⁵Ku we ayulimbitela woma wa Latuyalaka, Ayukundja yimba ya Unyashungu.

⁶Latuyalaka atushaka antu yimba. Yimba la ewu watutumbaka uma lʼunyo andi.

⁷Ndi atumbelaka antu wʼololo yimba. Ndi keli engawu ka wane watokendakendaka lu akambu wʼusimbwi,

⁸Dia ndi nama mbuka ya sambu kʼololo La mumbela ekilami andi mbuka.

⁹Ku we ayulimbitela ololo, uluwanyi, La sambu kʼololo, mbuka tshe keli ololo,

¹⁰Ne dia yimba yayoto lʼutema aye, La ewu ayongenyangenya lumu laye.

¹¹Ewu kayukulama. Yimba yayukumba,

¹²Dia nkuhandja uma lu mbuka ka kolo, Uma le antu watoteketaka akambu wa kolo,

¹³Watosekaka mbuka yʼusimbwi, Dia nkendakenda lu mbuka ya udjima;

¹⁴Watongenangenaka dia ntsha kolo, Watuyalaka la ongenongeno lu kolo;

¹⁵Antu watengengoka lu mbuka yawo, Watunganelaka lu etsha awo.

¹⁶We ayushimbamela uma le umuntu lakashisha, Uma le umuntu kanga luseka la aui andi wʼoselo.

¹⁷Ndi amboseka ongenyi andi a pami wa lu nshi ya dikenda, Ambuhela daka dia Unyashungu andi.

¹⁸Luudu landi lambengama utsha lu nyoi, La tuwuka tandi tambelela utsha le wavo.

¹⁹Nduku otoi a wane watutshokaka le ndi layukalula ntu Nduku omotshi lʼatei awo ayutana tuwuka ta lumu.

²⁰Okone we ayokendakendaka lu mbuka kʼantu wʼololo, Ndu ayulamaka tuwuka tʼantu wʼusimbwi.

²¹Antu wʼuluwanyi wayukita kete, Antu wʼusimbwi wayutshikala loko.

²²Keli antu wa kolo wayunyema uma la kete, Akanga wʼukadi wayukhundwama uma loko.