Read tetala Tukedi 29 Bible Online

Tukedi 29 - tetala bible

Tukedi 29

¹One latuyalaka la ote wulu lamʼatuwuhangwelaka tena efula, Ayowediawediama shashimuva, heyi nkono.

²Lamʼatulelaka antu wʼololo, wudja watongenangenaka. Keli lamʼatulelaka untu a kolo, antu watukhumaka akhumu.

³One latulangaka yimba, atongenyangenyaka shi. Keli one latekesanelaka la amantu akanga a luseka, atushisnak? diango diandi.

⁴Khumʼekanga atushikikeka wudja uma lu sambu kʼololo. Keli one latolombaka elambu la wulu, atulanyaka.

⁵One latandulaka unyandi wandulandula, Atuwambaka otei lʼekulu.

⁶Untu a kolo atambemaka djunga lu kolo kandi. Keli untu ololo atimbaka esambu, atongenangenaka.

⁷Untu ololo atukanelaka asi wula. Keli untu a kolo hatulimbitelaka wuhu uku wa yimba

⁸Akanga a losoko watutshumbaka ngelu. Keli asi yimba watukitshakitshaka kele.

⁹Naka kanga yimba ayama la kanga enginya, Kanga enginya ayumala wumalumala kana ayola wolola, Ku ki hayala.

¹⁰Atomboki watuhetshaka untu lʼuluwanyi; Ndu antu wa kolo watuyangaka lumu landi.

¹¹Kanga enginya atushulaka kele tshe keli lʼutema andi. Keli kanga yimba atuyakimelaka la ki.

¹²Naka umauledi atulungaka aui wa kashi, Ekambi andi tshe watuyalaka kolo.

¹³Usi wula la usuyanyi watusanganaka kame. Keli Latuyalaka atosenyaka ashu awo

¹⁴Khumʼekanga katulumbuyaka asi wula la kolamelu; Kiti kandi Ka diulelu kayushikikala pundju.

¹⁵Ohehela la luhangu watushaka untu yimba. Keli ona lahalakema, atutshaka nva ngu sonyi.

¹⁶Lamʼatufulanelaka antu wa kolo, kolo katuhamaka. Keli antu wʼololo wayena ekwelo kawo.

¹⁷Uhangwelaki onʼaye dia mbungula, ku ndi ayukusha ki; Ee, ndi ayongenyangenya utema aye.

¹⁸Lamʼaha enelo ka diui dia Unyashungu, antu hawutuyakimelaka. Keli one latulamaka elembe, atongenangenaka.

¹⁹Untu heyi mungula fumbi lʼaui atu Kuyanga ndi kuwaukaka, ndi hakitanyia.

²⁰We atenaka untu lahahani yimba lu aui andi? Uleki nungamela le kanga enginya uleki le ndi.

²¹Untu latudiaka ukambi andi ololo uma lu nshi ya dikenda, Ukambi ako kayuyala ukito andi.

²²Kanga kele atufudiaka lundju, La kanga ududu atutamanyaka ntsha kolo.

²³Utaku wʼuntu atukitshakitshaka. Keli kanga ndjakitshakitsha lʼutema, atutumbwamaka.

²⁴One latekesanelaka la kanga uvi, atuhetshaka utema andi hita. Ndi atukaka mananu, ku hati nduku diui.

²⁵Woma wʼuntu watuwambaka djunga. Keli one latekamaka Latuyalaka, ayushimbamela.

²⁶Antu efula watuyangaka mpumo lukulu lʼololo le umbuledi. Keli esambwelu kʼuntu lʼuntu katuyakaka uma le Latuyalaka.

²⁷Untu a kolo eli wononyi le antu wʼololo; Ndu untu lʼusimbwi lu mbuka kandi, eli wononyi le antu wa kolo.