Read tetala Tukedi 31 Bible Online

Tukedi 31 - tetala bible

Tukedi 31

¹Aui wa Lemuele, khumʼekanga ka la Masa, Wakawetsha nyangu ane ati:

²Onʼami lakamuti, kayumukutela na? Onʼami la daka, ukundi ayumukutela na?

³Tukimoki wulu aye le amantu, Kuyanga ditshelu diaye lu akambu watulanyaka khumi ya dikanga.

⁴Hasungana dia khumi ya dikanga no wanu, We Lemuele, hasungana le khumi ya dikanga nduku yema, Kuyanga dia ewandji nyanga dinono dia wulu!

⁵Ne dia watukono, ku vo ndjuhela elembe, La nfutanya sambu kʼololo le amenyi fono.

⁶Nyushaki one luyanga mvo dinono dia wulu, Ndu le one leli la lokonyo lʼutema wanu.

⁷Ndi ano, uheli wula andi, Ndu dia ndi tuhoki asui andi.

⁸Ufululi unyo aye dia nteketela kanga lumi, La waku tshe wambukalema.

⁹Ufululi unyo, usambulaki ololo, Ndu usambwelaki asi wula la amenyi fono, aha la shonodi.

¹⁰Umuntu lʼololo, eya mbukundja? Ndi ndeka mboko yʼakeso ushinga wulu.

¹¹Utema wʼumendi atekamaka le ndi. Ndi huyala la uhumba wa diango.

¹²Umuntu ako atutshelaka ololo utu Lu nshi tshe ya lumu landi.

¹³Ndi atuyangaka eshinga wa diosa diʼekoko la wa linene. Atukambaka lʼanya andi lʼongenongeno.

¹⁴Ndi eli uku mashua wʼasumbishi wa diango. Ndi atelaka mbu yandi ya nde uma lʼetali.

¹⁵Ndi atetoka la hyutshihutshi, Atushaka wa lu luudu landi ma; Atukahanyaka ekambi andi wʼamantu tumu.

¹⁶Ndi atukanaka yimba dia dihuli dia nkamba ekambo, atudisumbaka. Uma lʼekundjelu kʼulimu andi, mbatunduneka ekodi wʼelua.

¹⁷Ndi atuyashinganyaka uya, Atukikitshaka anya.

¹⁸Ndi ateyaka lʼutema andi ati: Diango tshe diatshami dia nsundja dieko ololo. Tala diandi hadiutudimalaka lʼutshu.

¹⁹Ndi atukutulaka sangu la pita yandi, Atosomeka ututi la lunya.

²⁰Ndi atusimbulaka lunya landi dia nkimanyia asi wula, Atukumiaka lunya landi pulu ndu le ehumbi.

²¹Ndi hukela wa lu luudu landi tshitshi ka wulu woma, Ne dia vo tshe watolotshamaka ahondo wa tilili.

²²Ndi atuyatshelaka elangitshi. Ahondo andi wakatsharria la eshinga wʼololo wa linene, la wʼengingi.

²³Umendi atolemiamaka lu eotwelo ka ngelu, Lamʼatundudjaseka lʼatei a dihangamendi dia wudja.

²⁴Umuntu ako atutshaka ahondo wa linene, atasundjaka. Ndi atusundjaka usumbishi eya.

²⁵Ndi atolotshamaka wulu la lutumbu. Ndi atolaka dia nshi yayayi.

²⁶Ndi atufululaka unyo andi lʼaui wa yimba. Wetshelu wa memakana watuyalaka lu lulimi landi.

²⁷Ndi atukanelaka wa lu luudu; Ndi hatolekaka ma dia nende.

²⁸Anʼandi watunelaka, watutumbulaka; Ndu umendi atuwandulaka ati:

²⁹Ana amantu efula watutshaka ololo, Keli we, mbaleka vo tshe ololo.

³⁰Ololo lu ashu utu eko lukesu, la dimena dia dimba tu eko anyanya. Keli umuntu latukaka Latuyalaka woma, ayutumbwama.

³¹Uwushaki diango diʼuma lʼulimu andi, Etsha andi wutumbulaki lu asuku wa ngelu.