Read tetala Tukedi 7 Bible Online

Tukedi 7 - tetala bible

Tukedi 7

¹Onʼami, ukimeli aui ami, Ulamaki elembe ami lasuki laye.

²Ukitanyia eiembe ami, ku we ayulumba; Ulamaki wetshelu ami uku onʼa su.

³Uwakeleki lu pita, Uwafundi lʼutema aye.

⁴Uteli yimba wati: Kadiyemi keye! Eti ewu ongenyi aye a wulu,

⁵Dia vo nkulama uma le umuntu akana, Uma le umuntu kanga luseka, latutaka aui wʼoselo.

⁶Lamʼakamayalaka la didishi dia luudu lami, Dimi lakendaka la wedi wʼukalamandji.

⁷Dimi lakendi lʼatei a tuleli, Lakashula untu omotshi lʼatei wa elongo wʼapami laki kundjala la yimba.

⁸Ndi aketi lʼosese lu leke lutsha laka umuntu ako. Akelelaka utsha lu luudu landi

⁹La tushu ta shimba, la dikolo dia yoo, Lʼatei wʼutshu ndu la udjima.

¹⁰Enda, umuntu omotshi akahumana l ndi, Akalote ahondo wa luseka, la utema wa lukesu la wulu.

¹¹Ndi eli kanga lundju la utema a wulu; Ekulu andi hawutshikalaka lu luudu landi.

¹²Ndi ndjalaka la esese, lu kituka, Atakungela lu akote tshe.

¹³Ndi akawundi, akanonana la ndi; Akawutela la elundji kaha la sonyi ati:

¹⁴Diaki la mi dia nambula elambu, Lambushidiya dokoloko diami elo.

¹⁵Diako mbakamatumbi dia ndjuhumana la ye, Dia ndjukuyanga, ku lambukushula.

¹⁶Dimi takalengi tangi kami lʼahondo wʼamena, Wʼeshinga wʼuma lʼEdjibitu.

¹⁷Dimi lakamongi malashi wʼushinga a wulu lu tangi kami La diango dikina diʼepumu.

¹⁸Yaka, tulutshanya ngandji edja ndu pindju, Tongenyangenya la saki ka dimba,

¹⁹Ne dia umemi kemako; Ndi akatshu lokendo lʼetali.

²⁰Ndi akatshu ndu la tapa dia falanga, Ndi hukalula, tshikima ngondo aya utundu.

²¹Ndi akolembia lʼaui wa pe, Akukutula lʼaui wʼoselo.

²²Olongo uku akuyeli shashimuya, Uku ngombe katatshu utsha lʼediakelu, Uku enginya kukelekami ekodi;

²³Edja ndu luhitu lambutundula uvo andi, Uku fudu kayanga ndjatambiya lʼotei, Kaheyi ati: Ekumelu ka lumu lami kene.

²⁴Kakiane, nyu anʼami, nyumbukeli, Nyuki aui ami.

²⁵Utema aye tawelelaki utsha lu ditshelu dia umuntu one; Tunganelaki utsha lu mbuka yandi,

²⁶Ne dia ndi akakosha antu efula. Wane tshe wakandadiaki weli ului a wuki.

²⁷Luudu landi leli mbuka kʼutsha lu Dihuli diʼEdu, Katahulo utsha lu ahuli wa nyoi.