Read tetala Undaki 1 Bible Online

Undaki 1 - tetala bible

Undaki 1

¹Aui wʼUndaki, onʼa Davidi, khumʼekanga ka Jerusalema.

²Anyanya wʼanyanya, mbata Undaki. Anyanya wʼanyanya: tshe eli anyanya!

³Waho akona watukundjaka untu uma lu pa tshe katunduyaenyaka la yanyi?

⁴Lolonga lomotshi latetaka, lukina latuyakaka, ku kete yatutshikalaka pundju.

⁵Unya atuhutoka, atudjaka; atusamanyaka utsha lene atuwuhutoka.

⁶Lopepe latopepeka utsha la diku dia kushi, latukadimoka utsha la ngelʼa kushi. Lo latutetemalaka ntshimba, ku lo latukalulaka lu ahuli alo, watulutshimbaka.

⁷Ekedi tshe watulambulaka ashi a waki, keli ashi a waki hawutululaka. Vo watokolamelaka nkela utsha lu dihuli diatuwukelaka.

⁸Diango tshe diambolemba lʼulimu wuhu wahakuki untu mvuta: Ashu hawoseke mena, atui hawuheko mbuka.

⁹Kene kakiko, kayuyala ntu; la kene kakatshama, kayutshama ntu. Nduku dikambu diʼuyuyu lʼesi ulungu.

¹⁰Undi, untu mbeyaka mvuta ati: Nyendi engo kene, to keli uyuyu? Mete, engo keku kambuyalaka edja. To kakiko lu nonga yaketi la ntundu kasu.

¹¹Akambu wayuyala lʼokongo a nshi motshi, wane wayuto nshi kina, hawuwauho.

¹²Dimi, Undaki, laki khumʼekanga ka Isariyele la Jerusalema.

¹³Dimi la-kadji utema dia nyanga la nkemba la yimba, kene tshe katutshamaka lʼesi ulungu: ulimu wakasha Unyashungu antu dia ntsha la kete weli wutshu.

¹⁴Dimi lakenyi elimu tshe wambutshama lʼesi ulungu, ku vo tshe anyanya atu, pudi nduku engo.

¹⁵Kene keli dikutu hakieyi nsimbo, la kene kahako, hakieyi mbalema.

¹⁶Dimi lakati lʼutema ami nti: Mete, dimi lambuhama lu yimba uleki waku tshe wakulekaka la ntundu kami la Jerusalema. La utema ami ambena akambu efula wa yimba ndu wa ewu.[1]

¹⁷Dimi lakadji utema dia nimbitela yimba, la dia nimbitela akambu wʼenginya ndu wa djeli. Ku dimi lakashihudia nti: Ndu dikambu ne dieli uku untu latatshanya lopepe.

¹⁸Lenʼeli yimba, katuyalaka ohenyohenyo. La one latuhamiaka ewu kandi, katuhamiaka okei andi.