Read tetala Undaki 10 Bible Online

Undaki 10 - tetala bible

Undaki 10

¹Edu wa tshingu watohondjaka iso kʼutshi wa malashi. Yimba yʼenginya atulanyaka yimba la nemo.

²Utema wa kanga yimba watuyalaka lu lunya landi la pami, Keli utema wa kanga enginya watuyalaka lu lunya landi la lomoso.

³Lamʼatokendakendaka kanga enginya lu mbuka, ndi hatuyalaka la ewu. Ndi atutaka dia untu tshe ati: Enginya kendi.

⁴Naka umbuledi ambukuka kele, tunelaki uma lu dihuli diaye; ne dia memakana katushimbaka kolo ya waki.

⁵Dimi lakenyi kolo kemotshi lʼesi ulungu uku munga kakayi uma le umbuledi.

⁶Enginya katudjaseka lu dihuli dia nemo, la ongonyi lu dihuli dia lʼesi.

⁷Dimi lakenyi fumbi yahemi lu falasa, ku ewandji wakendakenda lu kete uku fumbi.

⁸One latshima wawu, ayutambela loko.[13] One lanyukula eheli ka lukumbu, ayulumatema ului.

⁹One latukambaka ulimu wʼave, vo wayuhumuya. La one latataka etamba, ayukala wali loko.

¹⁰Naka kenge yambutshuna, ku untu hayidji diesa, Dieli la ndi dia nfudia wulu. Keli yimba atukimanyiaka untu.

¹¹Naka ului ambushila numata untu, Nduku uhumba wa mbcta kanga ahindu ntu.

¹²Aui wa kanga yimba watuhumuyaka lukulu lʼolo, Keli elomo wa kanga enginya watutungelaka elanyelu.

¹³Etatelu kʼaui uma lʼunyo andi weli utata, La ekumelu ka aui andi eli enginya ka wulu.

¹⁴Epoka katufudiaka aui. Ndu untu leya akambu wayuyala. Akona ayuwutela akambu wayuyala lʼokongo andi?

¹⁵Ulimu wa kanga enginya watuhekuyaka, ne dia ndi heyi ntsho utsha lʼusumba.

¹⁶Kete li, ndi lunyangu le ye, lamʼeki khumʼekanga kaye dikenda, ndu lamʼatolekaka ewandji aye la pindju li!

¹⁷Kete li, ndi ongenongeno le ye, lamʼeli khumʼekanga kaye ona pami a antu wayudjasedi, Ndu lamʼatolekaka ewandji aye lu etena kʼololo, Dia nkundja wulu, aha dia mbidjo li!

¹⁸Lamʼatuyalaka anya yoo, ote wa luudu watengamaka. Ndu lamʼeli anya la shuwasuwa, luudu latuselaka.

¹⁹Antu watolekaka dambu dia ndjangenyangenya, watonokika wanu dia ngenyangenya lumu, la falanga yatukukaka lu akambu tshe.

²⁰Tolokaki khumʼekanga kuyanga lu tukanyi taye. Tolokaki kanga ongonyi kuyanga lʼatei a luudu laye la mbetama, Ne dia fudu ka lʼulungu mbeyaka memba diui diaye, kana engo keli la ahafu mbeyaka ntuta aui aye.