Read tetala Undaki 4 Bible Online

Undaki 4 - tetala bible

Undaki 4

¹Lʼokongo diku, dimi lakenyi asui tshe watuyalaka lʼesi ulungu, ndu lakenyi asoi a wane watuwusuyaka. Keli nduku untu atasambaka. Lu leke lʼasu-yanyi awo kaki wulu, ku nduku untu lasamba.

²Okone dimi lakandula wane wakavu edja uleki wane wasena, weki la lumu.

³Ee, dimi lakaleki ntumbula one lahatayala, ndu lahatenyi akambu wa kolo watutshamaka la tshina diʼulungu uleki ane kana akina.

⁴Ku dimi lakenyi nti: Ulimu tshe la yimba tshe yʼulimu yeko paka kandjema kʼuntu le unyandi. Ndu dikambu so dieko anyanya, uku untu latatshanya lopepe.

⁵Kanga enginya atokomaka anya, atolekaka emunyi andi hita.

⁶Ambuleka ololo lunya ndjala too la mumuya, uleki anya ahendi ndjala too lʼulimu, uku untu latatshanya lopepe.

⁷Dimi lakakadimo, lakenyi anyanya lʼesi ulungi

⁸Untu omotshi eko leli ndame, nduku ukina leli lʼonongo andi. Ndi kema la ona pami kuyanga onangu, keli ulimu andi watayala lʼekumelu, kuyanga ashu andi nduta ukundji; ne dia ndi atuyambulaka lʼutema andi ati: Akona akambelami ulimu, ndu kahumbiami utema ami ongenongeno? Ndu dikambu so, dieko anyanya ndu kolo.

⁹Antu ahendi ndeka untu otoi, ne dia vo watulungulaka difutu diʼololo uma lʼulimu awo.

¹⁰Naka vo wamboko, omotshi mbeyaka mbetula unyandi. Keli eko lunyangu le one leli ndame, lamboko, laha la untu ukina dia mbetula.

¹¹Pupu, naka antu ahendi wambetama kame, vo watohetshahetshanyaka. Keli one leli ndame, ukundi ayunduyahetshahetsha?

¹²Naka pami kemotshi ayuleka one leli ndame wulu, antu ahendi mbeyaka mbuleka wulu, la ushinga weli la ekodi esatu haweyi mpimbo esadi.

¹³Olongo a pami wa wula ndeka khumʼekanga kʼusumbi ndu kʼenginya, lahayeya nunga tukanyi, ololo,

¹⁴ne dia ndi mbeyaka ntumba uma lu luudu la lukanu dia ndjulela, lu diulelu diandi diku kakanduto wula.

¹⁵Dimi lakenyi wasena tshe watokendakendaka lʼesi ulungu, waki kame la olongo a pami uku, lakahumbi nkita khumʼekanga ndu lakulela lu dihuli diandi.

¹⁶Nduku ekumelu keko le wudja uku tshe, le waku tshe wakindi ote awo. Ku tena tshe wane wayuyakaka lʼokongo andi, hawongenangena dikambu diandi. Ndu dikambu so dieko anyanya, uku untu latatshanya lopepe.