Read tetala Undaki 5 Bible Online

Undaki 5 - tetala bible

Undaki 5

¹Ulamaki dikaka diaye lamʼayuyotoka lu luudu la Unyashungu. Nsukana dia mbuka, ambuleka nkimo elambu wʼakanga a dinginya ololo; ne dia vo haweyi vati: Kolo katshawo.

²Tusamanyaki dia ndjihula unyo. Utema aye tawusamanyaki dia mvuta diui la ntundu ka Unyashungu, ne dia Unyashungu eko lʼulungu, ku we la kete. Okone aui aye wayalaki yema tshitshe.

³Do diatuyakaka kame la akambu efula, la oteketa wa kanga enginya wa-tukemaka lʼatei wʼasui efula.

⁴Lamʼatshikelaye Unyashungu dokoloko, tutshimbatshimbaki dia ndishidiya,[9] ne dia ndi hatulangaka akanga a dinginya. Kushidiya dokoloko diakayatshiki.

⁵Aha ntshika dokoloko, ndeka ntshika dokoloko ku hadishidisha, ololo.

⁶Tetawoki unyo aye munganyia dimba diaye, kuyanga mvuta la ntundu ka dikendji dia Unyashungu wati: Uku aki munga. Okoko wana wayuka Unyashungu aui aye kele, ndu ukukindi nanya ulimu wʼanya aye?

⁷Anyanya ndjalaka lu alo efula ndu lu aui efula, keli we ukaki Unyashungu woma.

⁸Naka we menaka sui diʼusi wula la enyelu ka sambu kʼololo la akambu wʼusimbwi lu leke lomotshi la wudja, tukashimoki dikambu so, ne dia untu la wuki atulamemaka le one luleki wuki. Ku ladiku diawo, keli wane waleki waki.

⁹Keli lu akambu tshe, khumʼekanga keli waho le wudja wʼakambi wa dikambo.

¹⁰One latukaka falanga ngandji, hatuyilutaka; la one latukaka ukundji ngandji, hatunduyaka saki ka waho ayo. Ndu dikambu so dieko anyanya.

¹¹Lamʼatufulanelaka diango, ndu andeshi adio watufulanelaka. Waho akona watukundjaka kangadio uma loko, tshikima diendaka la ashu utu?

¹²Djo yʼukambi yatuyalaka longovungovu, kana yema tshitshe mbulendi kana efula, keli elutelu ka kanga ongonyi hatuladiaka djo.

¹³Kolo ka wuki kakamenyi lʼesi ulungu kene: ekundji watulamemaka dia ntshela kangawo kolo.

¹⁴Ekundji ako watushishoka lu ulimu wʼanyanya, ndi ambuta ona, ku nduku engo lu anya andi.

¹⁵Uku akandatumbi utakataka uma lʼutema a nyangu, wuhu ako mbayundukalula utsha lene akandayi, ndu hosa nduku engo uma lʼulimu andi, kuyanga nkikimela lu lunya landi.[10]

¹⁶Ndu dikambu so dieko kolo ka wuki. Uku akandayi, mbayundutsho. Waho akona watuyalaka le ndi lamʼatundukambelaka lopepe ulimu?

¹⁷Dikambu dikina, lu nshi ya lumu landi tshe, ndi atolekaka lu udjima, ndu atuyalaka la lunyangu efula, kandji la yenyi.

¹⁸Nyulungi dikambu diakamenyi. Le untu, engo kʼololo ndu ka dimena, eli nde, no, la ngenangena lʼulimu tshe watundutshaka lʼesi ulungu, lu nshi ya lumu landi tshe yakawusha Unyashungu. Oso eli etenyi kandi.

¹⁹Keli naka Unyashungu akasha untu ukundji la ongonyi, naka ndi ambuwusha wulu wa ndi nde uma loko, la mbosa etenyi kandi ndu dia ngenangena lu ulimu andi, oso eli ushasha wa Unyashungu.

²⁰Ndi huleka mbuho nshi ya lumu landi, ne dia Unyashungu atuludiaka lʼongenongeno lʼutema andi.