Read tetala Undaki 6 Bible Online

Undaki 6 - tetala bible

Undaki 6

¹Kolo kemotshi kakamenyi lʼesi ulungu keli wutshu le antu kene:

²untu latulungulaka ukundji, ongonyi la lutumbu uma le Unyashungu ndu lahatuhumbiaka utema andi kene kalangandi. Keli Unyashungu hatuwushaka wulu wa nde uma loko, ku ongendangenda ndjole diango diako. Dikambu so dieko anyanya ndu kolo ka wuki.

³Naka untu ayuta ana lukama, ndu ambulumba deku efula dia nshi yandi ndjala efula efula, keli utema andi haluti diese, ndu hakundja diumbu, dimi lambuta nti: Ona uhasa mbuleka ololo.

⁴Ona uhasa ako watutumbaka utumbatumba, atutshokaka lu udjima, la lukumbu landi haluteyamaka.

⁵Kuyanga ndi komena unya, kana mbulimbitela, ndi ambukundja mumuya uleki pami kako.

⁶Kuyanga untu uku ambulumba deku nunu pendi, naka ndi henyi olo, vo ahendi hawutsho lu dihuli diame uka?

⁷Ulimu tshe watutshaka untu eli dikambu dia unyo andi, keli ndjala kandi hatushilaka.

⁸Waho akona watukundjaka kanga yimba uleki kanga enginya? Waho akona watuyalaka le omenyi fono, latuyakimelaka la ntundu ka wasena?

⁹Kene katenaka ashu, ndeka kene kakumbula ololo. Ndu dikambu so dieko anyanya, uku untu latatshanya lopepe.

¹⁰Kene kakiko, kambolemaka lukumbu edja; la wuhu weli untu, mbeya-maka. Ndi heyi nsemanela la one luleki wulu.

¹¹Naka akambu efula weko, keti anyanya ndeka. Waho akona watukundjaka untu uma loko?

¹²Untu akona eya kene keli ololo le untu? Nshi tshe ya lumu landi lʼanyanya yatetaka uku dedi. La akona ayeya mvutela untu kene kayuyala lʼokongo andi lʼesi ulungu?