Read tetala Undaki 7 Bible Online

Undaki 7 - tetala bible

Undaki 7

¹Lukumu lʼololo ndeka malashi ololo,[11] la lushi la nyoi ndeka lushi la mbuto ololo.

²Dia ntsho utsha lu luudu lʼutanda ndeka ntsho utsha lu luudu la dambu ololo; ne dia oso eli ekumelu kʼuntu tshe. Okone one lasena alami dikambu so lʼutema.

³Uma lʼelundji ka lunyangu katuyalaka utema la ongenongeno.

⁴Utema wa kanga yimba watuyalaka lu luudu lʼutanda. Keli utema wa kanga enginya watuyalaka lu luudu lʼongenongeno.

⁵Dia mbuka luhangu la kanga yimba ndeka mbuka usambu wʼakanga a dinginya ololo.

⁶Uku atuyalaka etundutundwelu kʼatende lu dja lʼesi a puki, mbatuyalaka tola ta kanga enginya. Ndu dikambu so dieko anyanya.

⁷Wengiya eteteka kanga yimba enginya, la mbu yʼutshu atulanyaka utema.

⁸Ekumelu ka dikambu ndeka etatelu kadio. Utema wa memakana ndeka wʼutaku ololo.

⁹Tukaki yenyi esadi,[12] ne dia yenyi yatuyalaka lu etema wʼakanga a dinginya.

¹⁰Tumbulaki wati: Okoko wana wakaleki nshi ya ntundu nshi nye ololo? Ne dia aha uma lu yimba kambulaye umbula oso.

¹¹Yimba yeli ololo uku sangu. Yo ndeka ololo le waku watenaka unya.

¹²Dedi dia yimba diatukumbaka untu uku dedi dia falanga. Waho wa ewu eli dia yimba nama untu leli la yo.

¹³Enda ulimu wa Unyashungu. Akona eya nsimbula kene kakandengamia?

¹⁴Lu lushi la diese, ongenangenaki; lu lushi la pa, ukanaki yimba. Unyashungu kakatungi vo ahendi, ne dia jntu atukeya kene kayuyala lʼokongo andi.

¹⁵Akambu ane tshe mbakamenaka lu nshi yami yʼanyanya. Untu lʼololo atuvokaka lu ololo andi, la untu la kolo atulumbaka lu kolo kandi.

¹⁶Totekoyaki ndjala ololo efula, kuyanga ndjaete kanga yimba efula. Okoko wana wukukiye ndjalanya okone?

¹⁷Totekoyaki ndjala kolo efula, kuyanga ndjala kanga enginya. Okoko wana wukukiye mvo ntundu etena kaye atakuki?

¹⁸Ololo we nkimela dikambu ne tudikimoki; ne dia one latukaka Unyashungu woma, ayutumba uma lʼakambu aso tshe.

¹⁹Wulu watukundjaka kanga jimba uma lu yimba, ndeka wʼuma le ewandji dikumi wa lʼusumba.

²⁰Mete, nduku untu lʼololo leko lu kete, latutshaka ololo utu, lahatshaka kolo.

²¹Tuhukamaki aui tshe watutaka antu, ne dia utukuyuka ukambi aye ako-tenga;

²²ne dia utema aye mbuhoka tena efula diakayatengaka akina.

²³Dimi lakedika akambu ane tshe la yimba, lakati nti: Dimi layuyala kanga yimba, keli yo yeko etali uma le mi.

²⁴Kene katuyalaka, keko etali, ndu ohongo waheyama. Akona eya nkilimbitela?

²⁵Dimi lakakani yimba dia mbidja utema dia nyanga, nshishima, la nimbitela yimba la akambu uku wewo, la dia mbeya ati: Akambu wa kolo weko djeli, la akambu wʼenginya weko epoka.

²⁶Dimi lakatani umuntu luleki nyoi ululu, leli la utema andi djunga la otei, ndu leli la anya andi ekodi. One latongenyangenyaka Unyashungu, ayuhanda. Keli utshi a kolo ayundama le ndi.

²⁷Nyendi akambu wakamatani, mbata Undaki, lamʼakamedikaka dikambu la dikambu dia mbamana fundu.

²⁸Nyulungi, engo katumuyangaka, dimi latakitani edja ndu kakiane. Dimi lakatani pami ka yimba otoi lʼatei wʼapami kinunu. Keli lʼatei wʼamantu tshe, nduku otoi.

²⁹Dikambu otoi: nyulungi dikambu diakamatani, Unyashungu akatungi untu lʼusimbwi. Keli vo watuyangaka akambu efula wa mbaetoya.