Read tetala Undaki 9 Bible Online

Undaki 9 - tetala bible

Undaki 9

¹Dimi lakadji utema dia nsedingula akambu ane tshe. Dimi lakenyi nti: Antu wʼololo, akanga a yimba la elimu awo tshe weko lu lunya la Unyashungu. Kana dikambu so dieko dikambu dia ngandji kana dikambu dia luhetshu, nduku untu leya: tshe eko la ntundu kawo.

²Akambu tshe watuyakaka pupu le antu tshe. Dikambu dia wuhu otoi diatuyakaka le untu lʼuluwanyi ndu le untu a kolo, ndu le untu leli ololo la pudipudi ndu le untu la mindu, le one latulambulaka ulambu ndu le one lahatulambulaka. Uku atuyalaka dikambu le untu ololo, mbatudiuyalaka ndu le untu a kolo, le one latutshibaka uku le one latukaka woma dia ntshiba.

³Dikambu ne dieko kolo lʼatei wa kene tshe katutshamaka lʼesi ulungu. Wuhu otoi wa dikambu mbeli le antu tshe. Etema wʼantu weli too la kolo. Akambu wa djeli weko lu etema awo lamʼewo la lumu. Lʼokongo diku, vo watutshokaka utsha lu Dihuli diʼEdu.

⁴One latuyalaka lʼatei a wasena, eki la elungamelu; ne dia fo kasena ndeka tambwe kambuvo ololo.

⁵Wasena mbeyaka vati: Vo wayuvo. Keli wavo haweyi nduku dikambu. Vo kema la difutu. Euhwelu kawo kambushila.

⁶Ndu ngandji kawo, luhetshu lawo, ndu okomiya awo ambushilaka edja. Vo hawuyala la etenyi ntu pundju lu kene tshe katutshamaka lʼesi ulungu.

⁷Utshu, utuli ma diaye lʼongenongeno. Utono wanu aye lʼutema wʼongenongeno, ne dia Unyashungu ambetawoka ulimu aye.

⁸Ahondo aye wayalaki paka wema utu. Ote aya tawuhumbaki iso.

⁹Ongenangenaki la wadeye, latuyukaka ngandji nsh ya lu: nu laye tshe yʼanyanya, yakayalungula lʼesi ulungu. Nshi yaye tshe yeli anyanya; ne dia oso eli etenyi kaye lamʼekiye la lumu, lʼulimu watuyutshaka lʼesi ulungu.

¹⁰Kene tshe kayena lunya laye dia ntsha, kukitshi la wulu aye; ne dia nduku ulimu kuyanga kanyi, ewu kuyanga yimba, yeli lu Dihuli diʼEdu, lene atayatshu.

¹¹Dimi lakenyi ntu lʼesi ulungu nti: Luwangu kema le andawi, la ta kema le akanga a wulu, dia nde kema la akanga a tokomba.

¹²Untu hateyaka etena kandi nduku yema. Uku atundamaka nsi lu otei wa nyoi, ndu fudu lu tulunga, osoku mbatundamaka antu lu etena kʼelanyelu, lamʼakumato shashimuya le wo.

¹³Dimi lakenyi ndu djimbitelu ya wuhu one wa yimba, yakamambia efula lʼesi ulungu.

¹⁴Usumba omotshi wa tshitshe wakiko, waki la antu atoi. Khumʼekanga kemotshi ka wuki akayi dia ndjolosha, akudingi, akuhikela wumbe wa ta.

¹⁵Usi wula omotshi, kanga yimba, aki lʼusumba ako, akasbimbela usumba uma lu yimba yandi. Keli nduku untu akuho usi wula ako.

¹⁶Ku dimi lakati nti: Yimba ndeka wulu ololo. Keli antu watonyolaka yimba yʼusi wula, ndu hawutulungaka aui andi.

¹⁷Aui wa kanga yimba watuwulungaka la ki ndeka ehanguhangu wa one latulekaka lʼatei a dinginya ololo.

¹⁸Yimba ndeka dihumo dia ta ololo. Keli utshi wa kolo otoi mbeyaka nanya diango efula.