Read tetala Limbu la Solomona 2 Bible Online

Limbu la Solomona 2 - tetala bible

Limbu la Solomona 2

¹Dimi leko uku mamasongo lʼusui, Uku dembo dia diaka dia lʼukidi.

²Uku dembo dia diaka lʼatei wʼatende, Mbeli wademi la ngandji lʼatei wʼesekaseka wʼamantu.

³Uku utamba a funga lʼatei wʼetamba wa lʼukunda, Mbeli umemi la ngandji lʼatei wʼelongo wʼapami. Dimi latongenangenaka mbidjase lu dedi diawo. Elua awo ndjalaka pe ketu lʼunyo ami.

⁴Ndi akambotshiya lu luudu landi la wanu. Ekuhu kandi ka koi kakandamumbi, eko ngandji.

⁵Undesha ekati wa elua wa fingu, Unkikitsha la elua wa funga, Ne dia leko la hemo ka ngandji kaye.

⁶Dimi lambukumbula dia lunya landi la lomoso ndjala weko wʼote ami, La lunya landi la pami nkhumbatelami!

⁷Nyu ana amantu wa Jerusalema, dimi lambunyutshibia, Le fumbo ndu le peli ya lʼusui nti: Tanyusutshasutshaki ngandji, tanyukiemulaki, Ntundu to katalangi.

⁸Diui diʼumemi la ngandji so! Enda, ndi uku uyayi, Ayalimbolimbo lu ekungu, Ayatambatamba lu akuna.

⁹Umemi la ngandji eko uku lufumbo Kana ona peli. Ndi uku emadi lʼedia eheli kasu. Ndi ambena lu didishi, Ambohelamela lʼukalamandji.

¹⁰Ulangimi ami amboteketa, ambumvutela ati: Wademi la ngandji la dimena, uneli, uyi!

¹¹Enda, nshi ya tshitshi yambeta. Eleku ka mvula kambukuka.

¹²Alembo wambutumba la kete. Etena ka mimba esambu kambukuka. Diui dia yembi diambukuma lu kete yasu.

¹³Utamba a fingu wambela elua awo wʼepudi. Ekodi wa vinyo wambutumbia alembo, wambudianganya upumu awo. Ulangimi ami a ngandji a dimena, uneli, uyi!

¹⁴Inga kami li, we latuyalaka lu ewuku wʼave, lu afuku wa lu peli diʼave, Omenya elundji kaye, umbukia diui diaye! Diui diaye dieli yoyo, la elundji kaye ndjalaka dimena.

¹⁵Nyututundeli mbulu, Tana ta mbulu tatulanyaka dikambo dia vinyo, Ne dia dikambo diasu dia vinyo diaya alembo atu.

¹⁶Umemi la ngandji, dimi kukangandi la ndi kukangami. Ndi atuleshaka dungalunga diandi lʼatei a waka.

¹⁷Umemi la ngandji, ulimbolimbo uku lufumbo kana peli Ladiku diʼekungu a wulu, Edja ndu yanyi yambutshuta, la aledi wambutalo.