Read tetala Limbu la Solomona 3 Bible Online

Limbu la Solomona 3 - tetala bible

Limbu la Solomona 3

¹Lʼutshu, lamʼakametamaka lu tangi kami, Dimi lakayangaka one latumulangaka lʼutema ami. Dimi lakuyangaka, keli kumbutana.

²Dimi lakati nti: Dimi layunela, layeteta lʼusumba, Lu esese ndu lu ahuli wa hwe. Dimi layuyangaka one latumulangaka lʼutema. Dimi lakuyangaka, keli kumbutana.

³Alami wʼusumba wakahumana la mi. Dimi lakawambula nti: Nyundomenela one latumulangaka lʼutema?

⁴Dimi lalekana yema tshitshe, Ku lakatani one latumulangaka lʼutema ami. Dimi lakukimela, kumbohosoya, Edja ndu lamʼakamotole lu luudu la nyomi, Lu luudu la mbetama, lene akandatshu diemi diami.

⁵Nyu ana amantu wa la Jerusalema, dimi lambunyutshibia Le fumbo la le peli ya lʼusui nti: Tanyusutshasutshaki ngandji, tanyukiemulaki, Ntundu to katalangi.

⁶Kakona kayayi uma lʼusui wa shenga, Uku ekoho ka dinga, Ukumbami lʼupumu wa mura la malashi, La diango tshe diʼupumu diʼasi ukanda?

⁷Enda, to keko kipoi ka Solomona, Apami wa wulu akumi asamalu wakakidingi, Apami wuleki wulu lu Isariyele.

⁸Vo tshe tombo tutu, Ambeyi wa ta. Untu lʼuntu osome yombo lu lukindi landi, Ne dia woma wʼutshu.

⁹Khumʼekanga Solomona akayatshela kipoi Lʼetamba wʼuma la Lebanona.

¹⁰Ndi akatshi tokoho tato la fesa, Ekamelu kato la paunyi, Edie kato kakakumbama la ahondo wʼengenge, Lʼatei aki asangu wa ngandji, wakasangi Ana amantu wa la Jerusalema.

¹¹Nyu ana amantu wa Siona, nyuneli, nyutendi Khumʼekanga Solomona La dembo dia kusu, diakulembe nyangu Lushi landi lʼesonwelo ka wadi, Lushi lʼongenongeno lʼutema andi.