Read tetala Limbu la Solomona 5 Bible Online

Limbu la Solomona 5 - tetala bible

Limbu la Solomona 5

¹Dimi lambuya lu ekambo kami, wademi, kadiyemi. Lambusanganya mura yami la diango diami diʼupumu. Lambole ehihi kami kʼusanga kame la usanga ami. Dimi lambono wanu ami la awele ami. Engenyi, nyuli, nyono, nyudjo ngandji!

²Dimi kakalalaka djo, keli utema ami akalalaka ungundu. Diui dia umemi la ngandji so, diakokola ati: Undjihuli, we kadiyemi, unangimi ami. Inga kami, lami lʼololo tshe! Ne dia ote ami aya dihohe tu, Divu diami diambolowa la lungi.

³Dimi lakakuludi dihondo diami; ukundi eyami dilota ntu? Dimi lakasudi ekulu, ukundi ukukimi mbidja mindu ntu?

⁴Umemi la ngandji akadji lunya landi lu ushu wa la suku, Ku utema ami wakudidimi.

⁵Dimi laketo dia ndjihula umemi la ngandji. Anya ami wakaloyama la mura, Mura kakataselaka uma lʼanya ami, Kakakelaka lu pita yami ladiku dia tukingiti.

⁶Dimi lakadihula ulangimi ami. Ku ulangimi ami akatshwi, akashishwi. Utema ami akatshu le ndi lamʼakandateketa. Dimi lakuyangi, keli kumbena; Lakaweti, keli ndi kumbetawomi.

⁷Alami watetetaka lʼusumba wakahumana la mi, Wakankomola, wakampumuya. Alami wa ladiku diʼeheli wakampotola dihondo diakamakumbi elundji.

⁸Nyu ana amantu wa la Jerusalema, lambunyosengasenga nti: Naka nyu nyambuhumana la umemi la ngandji, Kanyuwuteli nyati; Dimi leko la hemo ka ngandji.

⁹Kakona keli la umeye la ngandji kulekindi akina, We luleki amantu dimena? Kakona keli la umeye la ngandji kulekindi akina, Katosengasengaye okone?

¹⁰Umemi la ngandji eko wema la tilili. Ndi ndeka lʼatei wa nunu dikumi.

¹¹Ote andi weko uku paunyi ka pudipudi. Divu diandi diatulendalendaka, Dieko udima uku dingwangwa.

¹²Ashu andi weko uku fudu ya binga lʼumamu wʼekedi, Yatokaka lu awele, Yatudjaseka lʼumamu wʼekedi wʼelula.

¹³Atama andi weko uku umunda wa diango diʼupumu wʼololo, Diatudianganyaka upumu. Elomo andi weko uku diaka, Vo watukelaka mura.

¹⁴Anya andi weko uku ashingu wa paunyi, Wolengami lʼave wʼushinga a wulu. Dimba diandi dieko uku uwanga wa losela, Wukumbami lʼave wʼudima.

¹⁵Ekulu andi weko uku dikoho diʼave wa wema, Diakawakitsha lu dikitshelu dia paunyi ka pudipudi. Diema diandi dieko uku Lebanona, Diʼusimbwi uku usasi.

¹⁶Aui andi weko yoyo. Utundu andi tshe dimena tu. Osoku mbeli umemi la ngandji, mbeli ongenyi ami, Nyu ana amantu wa la Jerusalema!