Read tetala Limbu la Solomona 7 Bible Online

Limbu la Solomona 7 - tetala bible

Limbu la Solomona 7

¹We onʼa uwandji la umuntu, ndi akaka aye dimena lu elatu li! Utshimbedi wa pelohelo diaye weko uku ave wa ngaingai, Ulimu wʼanya wa kanga komba.

²Ututu aye eko uku uteka, Wahahumbaka wanu wa diye nduku lushi. Lukindi laye leko uku ului wʼepunga wa menge, Wudingami lʼalembo a waka.

³Awele aye weko uku ana ahendi wa lufumbo, Uku ana ahendi wa lufumbo otoi.

⁴Kingu kaye keko uku etangelu kʼewanga. Ashu aye weko uku duwa dia la Heshibona, Lasuki la eotwelo ka Bata-Rabima, Ohembe aye weko uku etangelu ka la Lebanona, Keledi utsha la Damaseke.

⁵Ote aye weko uku ukungu wa Karamele, Divu dia lʼote aye dieko uku dangi diʼengenge. Khumʼekanga ambundama ma lu aputu ako.

⁶Ndi dimena dieye, dimena diahangone, We ulangimi ami, lʼatei wʼengenongeno!

⁷Diema diaye dieko uku tuku, La awele aye uku tshuma dia mba.

⁸Dimi lakati lʼutema nti: Layumbela lu tuku diako, Layutakimelaka enende adio! Awele aye wayali uku sandji dia vinyo, Upumu wa luwi laye weko uku wʼelua wa funga.

⁹La enonelo kʼunyo aye keko uku wanu wuleki ololo, Watokeloka ololo, Watoseloka ladiku diʼelomo la wanyu!

¹⁰Umemi la ngandji kukangami. Ndi atumbukaka saki.

¹¹Ulangimi ami yeti, tutshu lʼusui, Tutudjase lu tungelungelu!

¹²Katuneli kʼolomo la pindju utsha lu dikambo dia vinyo. Katutendi kana ekodi wa vinyo wambomonga, kana alembo wambombola, Kana etamba wa dikomo wambutundja alembo. Leko kayumutukusha ngandji kami.

¹³Asusu wambutumba diendje, Lu asuku asu keli wehu tshe wʼelua wuleki ololo, Wʼeyuyu ndu wʼedjedja: Wakamakumbela, we umemi la ngandji.