Read tetala Limbu la Solomona 8 Bible Online

Limbu la Solomona 8 - tetala bible

Limbu la Solomona 8

¹Ye! utuyuyala onalingu, Lakalome awele wa nyomi li! Dimi lutuhumana la ye lʼandja, lutukukhumbatela, Ku nduku untu utomonyola.

²Dimi lutukolombola, lutukotola utsha lu luudu la nyomi, Dia we ntundakanya. Dimi lututukonosha wanu wa diye, La ashi wʼelua wa dikomi diami diʼetamba.

³Dimi lambukumbula dia lunya landi la lomoso ndjala weko wʼote ami, La lunya landi la pami nkhumbatelami!

⁴Nyu ana amantu wa la Jerusalema, dimi lambunyosengasenga nti: Tanyusutshasutshaki ngandji, tanyukiemulaki, Ntundu to katalangi.

⁵Akona uku ayayi uma lʼusui wa shenga, Ekami umendi la ngandji? Dimi lakakemula la tshina diʼutamba wa funga, Leko kakakutati nyo lono, Leko kakandakutati lono, kakandakuti.

⁶Umbidji lʼutema aye uku ematelu, Uku ematelu lu lunya laye, Ne dia ngandji eko wulu uku nyoi. Kandjema eko lunyu uku diumbu. Ehetelo kadio eko uku ehetelo ka dja, Lumbi la wulu la dja ya Latuyalaka.

⁷Ashi a waki haweyi nyima ngandji, Kuyanga elula kʼashi nkiditsha, Naka untu ayulanga nkimo diango dia lu luudu landi dia nsumba ngandji, Ndi ayonywama wulu.

⁸Shu teko la kadiyesu leki dikenda, Lahatament awele. Kayututshela kadiyesu, Lushi layuwuyanga?

⁹Naka eheli kendi, Shu tayuhika etangelu ladiku diandi. Naka lukuki mbendi, Shu tayudinga lʼabaya wʼusasi.

¹⁰Dimi laki eheli, La awele ami waki uku tangelu diato. Ku dimi laki lu ashu andi uku one lambutana ki.

¹¹Solomona aki la ekambo ka vinyo la Bala-Hamona. Ndi akakimo ekambo kako lu anya wʼalami. Diaki lʼuntu lʼuntu dia mbela tenyi dia fesa kinunu.

¹²Ekambo kami ka vinyo, dimi kukangato. We, Solomona, ayukundja tenyi dia fesa kinunu, La wane watulamaka elua ato, tenyi kama hyendi.

¹³We umuntu latudjaseka lu dikambo! Anyami watuhukeka atui lu diui diaye. Umbukiadio.

¹⁴We umemi la ngandji ulawo, Ulimbolimbo uku lufumbo kana ona peli, Lu ekungu wʼapumu!