Read tetala Isaya 27 Bible Online

Isaya 27 - tetala bible

Isaya 27

¹Lu lushi lako, Latuyalaka ayukimela yombo yandi ya wulu, ya wuki, ayokota shimiamba,[57] ului a wuki, wa luwangu, wa ana-ana. Ndi ayudiaka keengandu kako katuyalaka lu ashi a waki.

²Lushi lako kanyimbi usambu ne dia ekambo kʼelua.

³Dimi Latuyalaka keli ulami ato Dimi layukiloyaka tena tshe. Dimi layukilamaka ndu la yanyi ndu lʼutshu, Antu watukukilanya.

⁴Dimi kema la kele. Keli naka adungu la atende wayutumba dia ndjondosha, Dimi layunela dia ndo la wo, Layatshumba, vo tshe kame.

⁵Naka aha osoku, wayangi eshamelu le mi, Wayali la mi ki, Ee, wayali la mi ki.

⁶Lu nshi yayayi, Jakoba ayudja ediu. Isariyele ayutundja amonga la alembo, Ku vo wayuludia andja lʼelua.

⁷Latuyalaka akakomola asi Isariyele, Uku akandakomola wane wakakomola uka? Ndi kumbatshela uku Akandatshela wane wakadiaki?

⁸Lu mete, kakandasani la wo, kakandawatshanya. Ndi akawatshanya la efufelu ka lopepe la wulu uma lʼehutwelu.

⁹Kolo ka Jakoba kayudimanyiama. Ku ulua wʼedimanyelu ka kolo kandi ayenama okone: Ndi ayete ave tshe wʼediakelu efushi etu, uku pembe, Edja ndu dikishi dia WaAshera la difanyelu dia unya hadienama ntu.

¹⁰Usumba waki la lukumbu la wulu wambutshikala hwe, Uku edjaselu kambutunama la kambosekama, Uku usui wa shenga. Yana ya ngombe yayolekaka adiyu la akatshi, yayetamaka leko.

¹¹Lamʼayolengela avundja, vo wayuhimbwama, Ku amantu wayuya, wayatshumba. Wudja one kema la yimba, Okone one lakatungi huwauka ketshi, Ee, one lakatungi huwahumuya lukulu lʼolo.

¹²Lu lushi loso, Latuyalaka ayunyinginya elua, uma lʼumamu wa ndjali ka Eyufarate pulu ndu lʼokedi wa lʼEdjibitu. Ku nyu, asi Isariyele, nyayusanganyema otoi otoi.

¹³Ku lushi lako, wayuda pungi ka wuki. Ku waku weli lʼasʼeku la nyoi wa lu kete yʼAsuriya la atunami wa lu kete yʼEdjibitu, wayotemola Latuyalaka lʼukungu wʼekila, la Jerusalema.