Read tetala Isaya 43 Bible Online

Isaya 43 - tetala bible

Isaya 43

¹Latuyalaka lakakutungi, we Jakoba! Ee, lakakukingi uma lu ditshu, we Isariyele, kata ati: Tukaki woma, ne dia lakakushimbela. Dimi lakaketi lukumbu laye; lami keye.

²Lamʼayuyetetaka lu ashi, dimi layuyalaka la ye; Ndu lam ayuyutehoka ndjali, yo hayukuditsha. Lamʼayuyokendakendaka lu dja, Yo hayukutshumba, kuyanga lumbi halukudinga.

³Dimi leli Latuyalaka, Unyashungu aye, LʼEkila lʼIsariyele, Ushimbedi aye. Lambukimo Edjibitu uku etshungwelu kaye, Ndu Etiyopiya la Seba lu dihuli diaye.

⁴We keli engo ka nemo ndu kʼushinga a wulu lu ashu ami. Dimi latukulangaka, Diako mbamumukimo antu lu dihuli diaye, La wedja ne dia lumu laye.

⁵Tukaki woma, ne dia dimi leko la ye. Dimi layukaluya diuhu diaye uma lʼehutwelu, Ndu layudisanganya uma lʼedjelu.

⁶Dimi layutela wa la ngelʼa kushi nti: Nyukimo! Ndu wa la diku dia kushi nti: Tanyukimeki! Nyela anʼami wʼapami uma lʼetali, La anʼami wʼamantu uma lu kuma ya kete.

⁷Nyela untu tshe latetamaka lu lukumbu lami, Ndu lakamatungi ne dia lutumbu lami, Lakamakingi, ee, lakamatshi.

⁸Nyela akanga a tutshungu weli la ashu, Ndu akanga a puki weli la atui.

⁹Wedja tshe wamotshami kame, la antu wasangani. Akona lʼatei awo eya ntutela akambu wakatama ntundu? Watundja emenyi awo dia vo nkundja luha. Antu wuki, wati vati: Mete kewo.

¹⁰Emenyi ami mbenya, mbata Latuyalaka. Nyu nyeli ekambi ami wakamasonola, Dia nyu mbeya, mbetawomi la nimbitela nyati: Dimʼakone. Nduku etemolatemola kakiko la ntundu kami. Nduku kene kayuyala lʼokongo ami.

¹¹Dime keli Latuyalaka. Nduku ushimbedi ukina weko, paka dime.

¹²Dimi dime kakanyutela akambu ane, Kakanyushimbela, kakanyenya akambu ane, Aha etemolatemola kʼasi wedja keli lʼatei anyu. Nyu nyeli emenyi ami, mbata Latuyalaka, Dimi keli Unyashungu.

¹³Dimi keli ndi umaka mombokombola. Nduku leya mpotola engo uma lu lunya lami. Dimi layukambaka ulimu. Eya nshimbami na?

¹⁴Okone mbata Latuyalaka, Utshungudi anyu, lʼEkila lʼlsariyele, ati: Lu dikambu dianyu, mbamumutuma utunyi la Babilona, Ku dimi layalembia. Dielu diʼongenongeno diʼasi Kaladiya Diayukadimo dielu dia lunyangu.

¹⁵Dimi leli Latuyalaka, lanyu lʼEkila, Utungi wa Isariyele khumʼekanga kanyu.

¹⁶Latuyalaka ako, katataka osese lu ashi a waki, La mbuka lu ashi a wulu.

¹⁷Ndi katelaka pusupusu la falasa, Alimbi la andoshi wa ta wa wulu. Ndi atokoshaka atunyi kame, edja ndu vo wambulanyema, Wambudimala uku ushinga wa tala, haweyi munela ntu.

¹⁸Tanyuhoki akambu waketi, Kuyanga nkana yimba lu akambu wʼedjedja.

¹⁹Enda, dimi layanga ntsha dikambu diʼuyuyu, Dio diuyanga ntshama. Undi, nyu hanyudieya? Dimi layetsha mbuka lʼusui, la ekedi lʼusui wa shenga.

²⁰Mbulu la kumbaka ya lʼesui yayuntumbula, Ne dia dimi layutundja ashi lʼusui, la ekedi lʼusui wa shenga, Dia mbisha wudja ami, osonami ami.

²¹Ee, wudja wakamayatungela dia vo nyanganya lutumbu lami.

²²Keli Jakoba li, we kontemolakami! Isariyele li, we akampeko!

²³We kumbelami elambu wa lutshumba uma lu dungalunga diaye. We konemiami la elambu aye. Dimi kunkohenyahenya dikambu dia elambu wa lutshumba, Kunkuhekuya dikambu oiʼulambu wa shima.

²⁴We kunsumbelami diango diʼepumu la falanga, Kuyanga ndutshami la wata wʼelambu aye. Keli we akampenyahenya la kolo yaye. We akampekuya la ehedia aye.

²⁵Dimi dime, lu lulangu lami, mbatumudimulaka kolo yaye. Dimi haluho kolo yaye.

²⁶Yaka, tulumbun, uyateketele. Umbuhuli naka we la dikambu dia nyindjama.

²⁷Lotshetshe laye lakatshi kolo, Ndu embetsha aye wakantshela kolo.

²⁸Diako mbakamatuni elombodi wʼetemwelo. Lakakimo Jakoba lʼelanyelu, la Isariyele lu dionyo.