Read tetala Isaya 52 Bible Online

Isaya 52 - tetala bible

Isaya 52

¹We Siona eto, eto, uyakikitsha! Jerusalema li, usumba wʼekila,[105] Olote ahondo aye wʼamena! Umaka kakiane, nduku osendji, Kana untu laki kumbahema uhekeli layukuma le ye.

²We Jerusalema, uyaombe ditshu, udjase! We fumbi, ona umuntu a Siona, uyakelekuli ekodi lu kingu!

³Latuyalaka kata okone ati: Nyu nyakakahema ukahemakahema, nyayutshungwama aha la falanga,

⁴ne dia Khumadiondjo, Latuyalaka kata okone ati: Lu nshi ya ntundu, wudja ami wakatshu lʼEdjibitu dia ntudjase leko. Ku lʼokongo diku, asi Asuriya wakayasuya usuyasuya.

⁵Ku kakiane, atshami na? mbata Latuyalaka. Wudja ami wakosama wosamosama? Ambuledi awo watuhangohangoka, la lukumbu lami latonywamaka[106] nshi tshe, mbata Latuyalaka.

⁶Okone wudja ami wayeya lukumbu lami. Lu lushi layumoteketa, vo wayeya vati: Dimi oso.

⁷Ndi amena weli ekulu wʼomembi wa kumu yʼololo lʼekungu li! Ee, dikendji diatudianganyaka lukumu la ki,[107] Latelaka kumu yʼololo, diatudianganyaka lukumu la panda, Diatutelaka Siona ati: Unyashungu aye uleli!

⁸Alami aye wayudja dielu diʼongenongeno. Vo wayedia aui awo, wayimba e sambu kame; Ne dia vo wayenana la Latuyalaka Lamʼakalulandi lu Siona.

⁹Nyu ahuli wakalana wa Jerusalema, Nyudji dielu diʼongenongeno kame, Ne dia Latuyalaka ambusamba wudja andi, Ambushimbela Jerusalema.

¹⁰Latuyalaka akakumbula dihondo lu lunya landi lʼekila, Akalusunula la ntundu ka wedja tshe. Ku kuma tshe ya la kete yambena panda ka Unyashungu asu.

¹¹Nyuneli, nyuneli, nyumo uma lane. Nyu wane watembaka puki yʼekila ya Latuyalaka, Nyuyaedia; tanyunandaki engo ka mindu.[108] Nyutumbi uma la Babilona.

¹²Tanyunelaki shashimuya kuyanga ndawo lulawo, Ne dia Latuyalaka ayutsho la ntundu kanyu, Ee, Unyashungu wa Isariyele ayudihela lʼokongo anyu.

¹³Enda, ukambi ami ayongona. Ndi ayumbuela, ayediama, ayumbiyama otekoya,

¹⁴Wunu wakandayala engo ka wononyi le antu, Lamʼakakadimo elundji kandi Ndu lamʼakatshikitana dimba diandi la alimba wʼantu uma lʼasui.

¹⁵Wuhu ako mbayunduyala engo ka mamba le wedja efula, Khumi ya dikanga wayudiha enyo la ntundu kandi, Ne dia vo wayena kene kakiwo kumbasanyia, Wayulimbitela kene kakiwo kumbuka.[109]