Read tetala Akambu wʼAsi Lewi 12 Bible Online

Akambu wʼAsi Lewi 12 - tetala bible

Akambu wʼAsi Lewi 12

¹Latuyalaka akatela Mose ati:

²Uteli asi Isariyele wati: Naka umuntu ambutsho diemi, ambuta ona pami; umuntu ako ayuyala mindu nshi esambeli. Ndi ayuyala mindu uku yediko ya nshi yatundenaka dikila.

³Ku lushi lʼenanei, ona ayahema uhekeli.[10]

⁴Umuntu ako ayutshikala ntu nshi akumi asatu la shatu dia ndjaedia uma lu dikila. Ndi tanandaki engo kʼekila kuyanga mboto lʼetemwelo edja ndu nshi ya ndi mbediama yambukuka.

⁵Keli naka ndi ambuta ona umuntu, ndi ayuyala mindu bingu hyendi, uku efula ka nshi yatundenaka dikila. Ku ndi ayutshikala nshi akumi asamalu dia ndjaedia uma lu dikila.

⁶Ku lamʼayukuka nshi yandi ya ndjaedia, lu dikambu dia ona pami kana diʼona umuntu, ndi kela olombedi osongo wʼokoko weki eleku otoi ulambu wa lutshumba, ndu yana ya kudumba kana inga, ne dia ulambu wa kolo lʼeotwelo ka luudu lʼesanganelu la dipema.

⁷Olombedi ayudilambula la ntundu ka Latuyalaka. Ndi ayutungela ekesanelu, ku ndi ayediama uma lʼetumbelu ka dikila diandi. Oso eli olembe le umuntu luta ona pami kana ona umuntu.

⁸Naka umuntu ako heyi nkundja osongo wʼokoko, ndi kela binga pendi kana tukudumba tuhendi:[11] kemotshi ulambu wa lutshumba, kekina ulambu wa kolo. Olombedi ayutungela ekesanelu, ku ndi ayuyala pudipudi.